[size=5]في عام 1337 ذهب أهالي الجوف الى الأمير / سعود الرشيد وطلبوا منه أن يخلصهم من أميرهم وأعلنوا تبعيتهم له فقاد الأمير / سعود الرشيد حمله مكونه من ستمائة شخص من فرسان شمر وذهب بهذه الحمله الى الجوف وأستطاع الأستيلاء عليها ولاكن أمير الجوف أرسل الى النوري بن شعلان وابنه نواف يستنجد بهم فقاد نواف الشعلان جيش كبير مكون من عدة قبائل مثل:
الحويطات - والعوازم - والشرارات - والروله
وذهب الى الجوف وحاصرها مدة من الزمن حتى نفذة مئونة بن رشيد ونفذ ماعندهم من الزاد والطعام وهنايأتي دور الشاعر العوني والذي قال هذه القصيدة عند حصارهم لأبن رشيد::
[poem=font="Arial,5,#000000,bold,normal" bkcolor="#c0c0c0" bkimage="" border="none,5,#c0c0c0" type=0 line=0 align=center use=ex num="1,"]

الأعمار سفن والسنين ابحار = والأقدار تجري والغباب اعزاز
ولوهبله ولمن وصارت سليمه = صيور مرجوع الأعمار دمار
هي ملاذي مسندي وانت فزعتي = لاعاد وحدي والخصوم اكثار
وانا في حماك وحدر ظلك وجيرتك = وتبريت من غيرك بكل اجوار
فوضت مري لك بحيلي وحيلتي = وحشا لجار في ذراك يذار
ونويت انا ابعد بعد اتكالي على الولي = اعد ماشاف النضير اوصار
واقول لركب العقيلي ترحلوا = على اكوار وسيعات الجباه احرار
جلايل فج النحور علاكم = على اول جليس مابهن اعشار
حيلآ تبارا بالمسير الى ادلجن = وساجن وادلجن خمصن واضمار
لاباس لو ريضتوا لنا قدر ماطرا = مايوجبن الساعتين احيار
الى قضى ياركب شاني وشانكم = هموا همام ماتلاه احوار
لاحركوهن للهجيج ولجلجن = تشبه دوانيق حداه اعصار
اركبتهن من نقرة الجوف واشملن = كما جول ربدن صابهن اذيار
وعقب خمس ليلات يلفن قبيله = لهم بالثناء علم ابعد وكار
يلفن لبن شعلان نواف شيخهم = والنوري من له هرجه واجهار
قوقوا له يازبن المخيفه عن الردي = ترا النصح يشرا والصحيح اقرار
نقول لك ما للرشيد مقابل = الا لمن يكتب عليه دمار
ونخبرك عن ماضي اليالي بفعلنا = بهن شفتنا بالناضرين اصغار
وهميت بأمر مايهمك غيرك = وبغيت تقنص بالدجاج احرار
وجبت العوازم والشرارات هتمه = وابو تايه يرثع بغير اهجار
وحاشي ولي العرش يخلف عوايده = يركب على سرج الحصان احمار
تكابرت منزلكم عليكم = وعقلكم تحسبوننا حظر احظار
وحنا ندور الناس ماهي تدورنا = لاشك هذي ثارة بغير اغبار
جونا مناجيب من الجوف قولهم = ماعاد بالجوبه يسوج وسار
وجينا ثلاثمية ذلول نحثها = نبغى نعدل مايل وايسار
لما وردنا الحزل جانا ركايب = يقولون كل اللي يقال بوار
يقولون بن شعلان بالجوف نازل = ومنه لكم قبل صديق وبار
وابن مويشير تبين بقولكم = وثارت عليه الديرتين وجار
ينخاك يازبن المخيفه ودونه = نارن يشطر عن سناه اشرار
وشرنا بربع الراس والحاق قوه = تودع بواليد الحديد اكسار
وشلع طير شلوى ماتسمع بقولنا = بقول مايقري الرفيق اعذار
وعيب على مثلي ياهد ينثني = الى شاف نيران الحرب اكثار
انا صلب عبدالله وانا شبله الذي = بنا للمعالي فوق ساسه دار
وهي لجداني تعدد بقولهم = ندخل ولاننشد عن المعيار
كما وصف غواصن ضرب وسط غبه = يشق لبحر لو كان موجه فار
وكثرت بكم الخونات مع كثر قومكم = ورمتوا امور ماترام اعسار
قلتوا قليلين وذا قبل فعلكم = وحنا بصكات اللزوم اكثار
وجيتوا اجموع صايلين تبوننا = وهماتكم قبل الزحام اقمار
ولما سمعتوا غلامين قومنا = تنادي بصوتن للحريب اذعار
وردوا شفقين على الموت كنهم = وردن تعايل ماعليه احيار
تناخوا صبيان الجبل دون شيخهم = الى صك كلاب الحديد وجار
ولما صدرتوا تطلبون بيوتكم = والموت بأتلاكم يخم اخيار
شفتوا وعفتوا رايكم عقب ماجرا = تقولون نرويهم بطول مدار
مساكين مايدرون منهوا قبيلهم = الى شب للحرب الضروس اسعار
مادريوا انهم اللي يديرون عامهم = يديره ابو مشعل بشرب ابهار
مادريوا انه شالهم من ترابهم = ةهم مادريوا وش بالزمان يدار
ابرم عليهم حيلة ضيغمية = بفعل وتدبير وسديد وسار
اضلم لهم نار حامي شرارها = ايضاٍ عقب قفاه بنار
ارسل لشمر نادر من مجاذبه = ابنه اللي قام بالخصيم اوثار
ومشى بهم حمال الثقل ابو مشعل = على ديرته سج الركاب اوسار
الى مالفن به عزوة الشمرية = غلبا الياء قب العجاج اوثار
ومن حين جاهم صاح بالصوت بينهم = وبكى عبرة بكن منها اعبار
بكى وقال الشيخ ينخى جمعكم = بني عمنا من ترقبون اخيار
بكى عبرة منها تجارت دموعهم = لينه مشى دمع الجلوس انثار
شمر الياء من العرب عدت العرب = ترى دونهم كل الجبال اقصار
لهم بالعلا والمعضلات قدايم = الياء قل دم الموجبات اوغار
ومن دار قحطان ومن قبل تبع = لهم بالعلا والطايلات انمار
لهم على العليا فروض قدايم = ماهم لفيق من حضير احضار
والله لولاهم فلايذكر الوفا = ولاللحميه بالعباد امدار
اشهد بقولي يوم جاني شيخهم = وهم قبل غضبينن عليه اجهار
مشوا من شنق شط الفرات عقايب = ميعادهم نار الحريب انهار
مشوا مثل مزنن يطحن في ربابه = سيله غشا وادي رويل اوحار
مشى من يمين قبلا وانهل ذوقه = عجن غشا روس الجبال اغبار
تلافوا على الحزل القديم واقبلوا = على اكوار حيل كنهن امهار
على ايسر سكاكا لفاهم سقى الوبا = لما ركب خشم الطعوس اوسار
يرعد ويبرق والغضب في جوانبه = شاف ابو سلطان سناه ونار
خلا اهل العليا وخلا حلالهم = وخلا حلاله والأذواد يسار
وخمس ميه من لابته عزي لها = خلاه للسباع ولضياع امزار
وجنب عن امه والعيال ووالده = وهي على مثله كبير اوعار
وخلا المدافع والمكاين وانهزم = هو وابو تايه فر وعقله طار
عقب المكالخ والخطوط وقولهم = حنا سباع صار ديك خار
ساعة لمع بالعين غلبا وشافهم = بدل بنيات اثبات افرار
لابد من يوم تصيده شيولها = لو اخطته مره تصيده امرار
على اري ابو مشعل معدل صغا العدا = الشيخ معدي ماعليه اسطار
نشا بشب الحرب والضرب مولع = صغير ولاطالت عليه اشبار
كريم السجايا كل ماحاش طوله = تزايد بحلم وعفه وقار
وسيع جاش في ملاقاه للعدا = ضحا الدم من ضرب الفوارس فار
وهو سور خيله حين لاجت عن القنا = وهو من وراها فارسن صبار
وهو الضاري الجبار الى بغى العدا = وهوة مودع العضم الصليب انثار
وهو مقدم الهيجاء وفارس القضاء = عليه دالوب القتال ايدار
وهو عظيم الشان والجاه والثنا = وهو واحد الدنيا بغير انكار
فياطالبين الحكم مهلا ترفقوا = رويدا تر قضب النجوم اعسار
تمت وصلى الله على سيد الملا = عدد من قصد بيته وحج وزار[/poem]



وقال العوني على لسان الأمير/ سعود الرشيد

[poem=font="Arial,5,#00008b,bold,normal" bkcolor="#f4a460" bkimage="" border="none,5,#f4a460" type=0 line=0 align=center use=ex num="1,"]
راكب من فوق حر يذعره ظله = مثل طير كف من كف قضابه
ماحلا فزته والخرج زاهن له = والميارك على متنه تثنابه
من سكاكا ترحل واترك الذله = واحذر الهاجوس خوفك تهنابه
سر لشمر وخبر لابتي كله = لابتي بالملاقاء حي من لابه
قل لوادي وابو عافت بعد قله = يانهارن على الجوبة تحلابه
الدخن فوقنا كن الدجى ظله = والرويلي وابن شعلان واقرابه
دريو ان قليل وادركوا خله = وارتكينا بعون واحجابه
مانعرف الضحى من كثر خلق الله = وين شمر اهل العادات والجابه
وين مطني وعباس وربعن له = ويها كربة لو ان لها لابه
وين هباس وبرجس هم وربعن له = وين عبده الى ماحل ضبضابه
وانخى راع المليحا لاتساهل له = وانخى شمر واعطي الصوت بدري به
وانخى فهران اخو رفعه ورمحله = الا التقى باللاقا كف قضابه
وانخى ضاري والأسلم قل تجي كله = واخو صلفه اليا منه كلح نابه
وانخى اخو شاهه المنصور وافطن له = وانخى مطلق مع التومان بالجابه
وانخى سنجاره وقاسم ساترالخله = واخى غضبان ابو علوش واقرابه
وانخى عدوان ابو ممدوح وربعن له = يرفع الصوت بالفنجان للجابه
واخى فهاد وبايق هم وبربعن له = وانخى شيبان شمر وانخى شبابه
وانخى مياح واهل الدين والمله = وانخى الأخوان عز الدين واحجابه[/poem]


وقال العوني هذه القصيدة بعدانتهاء المعركة


[poem=font="Arial,5,#ff0000,bold,normal" bkcolor="#00ff00" bkimage="" border="none,5,#00ff00" type=0 line=0 align=center use=ex num="1,"]
مزنة هل الغضب من جوانبها = قاها المولى على راس عدوانه
امطرت بالموت والفوت صايبها = صار بأمره صبها فوق عدوانه
هلت القصدير وسعود يندبها = وانزج سو البلا قبل دخانه
الفخر والمدح للي بجانبها = يوم حل البين والنفس بلشانه
عاش من كفه ضحى الكون خضبها = يوم خطوا الاش به طارت أذهانه
امدحوا من هد وادما مخالبها = قدم ربعه ماتتقا بحيطانه
امدحوا صبيان حائل جلايبها = وردوا بيمانهم كل عطشانه
يوم قام سعود بالصوت يندبها = وردوا حوض المنايا على شانه
خلوا الشعلان تطرخ ذوايبها = عند غرس الجوف تروح منشانه
ذيبي اللي بالخلاء لاتجنبها = عن اهل العلياء تراهم بجدرانه [/poem]