مما قال الشاعر: زيد بن مطلق بن سلطان هذه القصيد في :عبدالعزيز بن حسن السعدون
مشاكل الدنيا كثيرة بالأزمان
ماينفعك كثر الحذر من بلاها
يبلابه المسلم شبابٍ وشيبان
محدن سلم من سوها مع غثاها
والله جعل بالخلق مذري ومزبان
واليبترم سوه تخلص ارشاها
تزبن على الطيب لياصرت بلشان
وجهه يخلص حامي من لظاها
ياقلت وين فلان عرب النسب بان
بالحال جالك نخوتك مانساها
لو دون وصلك يمشي الليل سهران
يجيلك الطيب سريع وخطاها
للصوت بادل صوت يمك وفرحان
ماخابت اللي عاشته فى غذاها
مثل الوفي عرب النسب ذرب الايمان
عبدالعزيز الليث طيبه قواها
حـــــرٍ ولـــد حـــر يسمى كحــــيـلان
مواقفه بطــــــيــب مــــحـدٍ حصــــــاها
ابن حسن ماهو خفي دوم عنوان
صغير سن و بالمراجل حواها
نخوه توه ساعت الضيق ويلان
بقضيتن صعبه وكلن رواها
صارت قضيه بين جارن وجيران
قالو خطانا والعيون بعماها
بسباب جاهل طوره فعل شيطان
هذا خطانا وانت قايد قضاها
جاهك يحل اوضاع من كان مندان
من حيث شمر قدرو لوجهاها
قال ابشرو شمر له الطيب ميدان
ربعي هل الناموس تعرف اقداها
ماخيبو من يطلب الطيب شفقان
اما العدو تلعن سلايل ثواها
امجاد ربعي ترخه كل ديوان
بولاد وايل مجدنا من نساها
سابق من الماضي لناكان جيران
من ربعكم والطيب محد محاها
ابن فليج اعتق قصيره ولاخان
اعتق قصير البيت ساعت بلاها
يقول مايبكن بيتين نسوان
نصبر على البلوى وجاري حشاها
يعيش ابو ممدوح والفعل برهان
ربعك وجاهك قدروا مستواها
منحيث حقك عالين كبر حبران
ياجيت ربعك مطلبك هومناها
ابوك قبلك يانسق كل شردان
كل الهموم الكايده له وطاها
اللي عدوه مات همن وحقران
مات العدو له حاجه ماخذاها
مثل الاسد مايقربه كل ديقان
من يقربه بنياب شطره كلاها
الين من الماهود للربع الاخوان
وامر من عود الشرر لخصماها
له موقفٍ سدنا ومدنا بالاوطان
كل الديار الليث والله عذها
خذامرب البيت خلاق الانسان
وكم واحد مثله عزيز وخذاها
مات الشهيم وماكر الحر ماخان
الحر مثله حر فعله مشاها