[size=5]وساحكي لكم قصه الطنايا حسب علمي والله اعلم
غزا الشريف محمد الحارث ابن ابي نمي ويقال ايضا انه الشريف محمد بن احمد بن محمد الحارث بن الحسن (((وهنا اختلاف في تسميه الاب ولكن الاتفاق في ان اسمه محمد))) علي بوادي نجد وقدر انه يكسر اغلب القبايل الموجوده ومنها الظفير في مناخ الضلفعه وغزا الدواسر والصقور ومطير وعتيبه حسب المذكور بالقصيده واخيرا علي شمر واستمر المناخ 90 ليله بين الشريف وعبده وكان الانتصار للشريف لولا فزعت بني عمهم من زوبع ودخول المعركه مباشره وهم طنايا (والطنيان لغير العالم بها من غير شمر هو الزعلان) وكانت عبده بقياده الطليعه وعند وصول زوبع قلطوا لهم صياني الاكل وعندما شاهد زوبع الصياني طنوا وتلطموا وقال حديهم حنا محنا جايين ندور الاكل دخلوا المعركه مباشره والمعركه حدثت غرب حايل قريبه من موقق وغنمت شمر بعد هذه المعركه الخيل الاصيله منها الحمدانيه والهدبا والدهما والظبي
وبعد خساره الشريف لحربه حلف انه مايجي ديار شمر وقال هالقصيده
يـمـل عـيـن للشـريـف محـمـد
======== دمعه تهلهل من شفـا الـراس حـادر
خذينـا الخيـل مـن العـلا لياشتهـن
======== من البدو والحضر واللبس زين المصادر
وجرينا السبايا مـن الطايـف والحـرم
======= حلنـا وحلينـا بـديـار الـدواسـر
وهزنـا بـن حميـد وعنـا تنـحـي
======= كـره ملاقانـا وسنـد النيـر نـايـر
وخذينا بوادي النير والصقـور عزبـه
======= صملان اهلهـا عقـب البـلال غايـر
وجينا علي بعـض القبايـل وادبحـوا
======= وكفوا وعرفوا بـه حمـران النواظـر
وغرنا علي طرش للسويطات بالحفـر
======= وخلينـا الحـوض الملـيـا خـايـر
وهزعنا بالمسير علـي ديـار شمـر
====== مادبر المولـي علـي العبـد صايـر
ادلينا بالديره اللي اسمها باسـم اهلهـا
======== اكـرام اللحـا ايـام حـر المساعـر
مناخـنـا لعـبـده تسعـيـن ليـلـه
======= بالتلعـه الـلـي حصـاهـا جـفـادر
سناعيـس مـن الـهـوش كمـلـوا
======= كمـا دغلوبـن نـش عنـه المغـادر
اليامـا لفونـا زوبـع فـوق ضمـر
======== كبـن يـلاوي صرعهـن كـل نـادر
مـن كـل صهـال وكـل اشـمـره
======== سطيـرن ريغـان العجـاج الاجــادر
وجتنا الجحافـل مـن متالـع والحفـر
======= تسمـع زغاريـت البنـات الجواهـر
اليـا وردوهـن كالـغـروب الــورد
======= وان صدروهـن كاللقـاح الـصـوادر
ونشوف ضـرب سيوفهـم بظهورنـا
======== مثل حقوق المزن مـن فـوق ماطـر
حـلـوا بتاليـنـا وانـقـاد جمعـنـا
======= وايدين بيـص تقطعـن بحـد شاطـر
صكـوا علينـا بسربتـيـن تـذودنـا
======= هـذا يـوردهـا وهــذاك صــادر
صاحوا علينـا صيحتـن تنثـر الدمـا
======= وخـذوا نـوادي الخيـل والعـج ثايـر
خـذوا نـوادي خيلنـا واكرشـوا بنـا
======= وحنا علي الطوعـات والكـون عامـر
الخيـل بالفرسـان قـامـت تـذودنا
======= من دور العيـلات هــذاك عـاثـر
صاحوا علينـا صيحـه ترمـل النسـاء
======= يشيـب المالـود وياجـي التـذاكـر
علنـا عليهـم عيلنـت مـن خطانـا
====== وانـا عـلـي مـاقـدر الله صـابـر
وتجاولنا بالجمـوع باطـراف موقـق
======== و صارت علينا مـن كبـار الكسايـر
ونشوف جـدع الخيـل منـا ومنهـم
======== هشيـم طلـح جابـه السيـل حـادر
وجـانـا صـبـي لاطــال عـمـره
======= خلي عجـاج الخيـل عـدا الجواسـر
وقمنـا ننخـي كـل قـرم مـجـرب
======= يالله ياقـادر عـلـي كــل قــادر
ونخينـا بيـص ويـن ابـن عشيـه
======= الياما هفا حـدر السيـوف الشواطـر
قلت يابيص يابيـص انـح الخيـل عنـا
====== يا بيص يا فـرز الوغـي يابـو شاكـر
و ورد عليهـم بيـص واحمـر السمـاء
====== و غدت اسروج الخيـل مثـل البواخـر
وتلقـاه طيـر شـلـوي واعطـبـه
======= بشلفا تلظـي بيـن الضلـوع شاطـر
وتركنـا بـيـص بـريـع المغـنـي
======== تمـره القطعـان اليالفـت صــوادر
اليا صدرت من جـو العويجـر تمـره
======== ممشـاه ليـلـه قـدرهـا بـالاقـادر
ووردنـا الحليفـه تاركيـن اشيوخنـا
======= عياض وحوشان ومحتمي الخيل ناصر
وخلينـا جبـار والزناتـي وعـبـدالله
====== غربـي بزاخـه لاسقتهـا الاقـاطـر
ظيمـي بنـب عمـي مكـارم لابتـي
======= اركوا علي جبـدي حاميـات المخاطـر
تلفي لبني عمي هـل الجـود والسخـا
======= اشـراف فـروع القبايـل مـصـادر
ان انشدوك عن حالنـا عطهـم الخبـر
======== تـري حـلات العلـم ياتـي مـبـادر
باسباب سرنا ثم غرنا وصارت كسيـره
====== والراس من كثـر الهواجيـس سـادر
عـزالله انــي مانـويـت حربـهـم
====== مـارالله اللـي قـدر الامـر قــادر
وحلفت ماجي ديارهم عقـب مامضـي
======= كـود نتواجـه عـنـد رب المـقـادر
هــذا كــلام للشـريـف محـمـد
======= يذكـر فعولـن ماضيـن لـه بـوادر
هـذا وصلينـا علـي سيـد البـشـر
======= اعـداد ماكـبـر بــروس المنـايـر
منقووووووووووووووول[/size]