أمــــــــى
سهرانه وانتى جنبى
فكرك ياخد ويدى
عايزانى اكون جندى
ولا صنايعى فنى
ولا طبيب مداوى
نفسك اكون مثالى
وان طبختى لقمه حلوة
تقولى كل واتقوى
وتحلف وتتحالف
الى ياكلها غيرى يتلوى
وان اذن الاذان
تقول يارب ابنى
واخد كمان من عمرى
الدنيا كلها تفنى
وابنى حبيبى مايهونشى
بالزمه فى حد فى الدنيا
اعز من امى
علشان كده بدعى ربى
ربى يخليكى ياامى
وكبرت ولسه صغير فى عينيها
بس امى
والشعر ابيض وشاب
وتقولى نام على حجرى
تحكى حكايه الغوله
علشان اخاف وماخرجشى
وتقول بلاش تروح
خليك الليله جنبى
والوحده يابنى صعبه
ولحدش يسال عنى
عينى فرقت الدمعه
وقلت حبيبتى يا امى
حنعيد كل الليالى
وهنام الليله عندك
لسه مافتش ثوانى
قلبى انشغل بعيالى
حسيت بحاجه غريبه
اول مره تجرا لى
شعرت بها امى
قالت مالك ياابنى
روح ولاتنسى تجينى
وابقى ابعتلى بنتك
تنام الليله فى حضنى
وقفلت الباب على امى
وانا بالحيره بجرى
سامحينى معلش ياامى