[poem=font="Arial,5,#ff0000,bold,normal" bkcolor="" bkimage="" border="none,1," type=0 line=1 align=center use=ex num="0,"]
ياليت لي مع كل حي"عمامي=يصير لي عذرا"ليا مربي فال
وادخل بيوت معسلات الكلامي=ولا تدخل الشكه بقلب أي رجال
ماهو اليا مريت مثل الحرامي=اسرق وقوفي عند زينات الازوال
وامشي وانا توي جدعت السلامي=والدمع يخضر ديرت" عقب الامحال
خوفا"على سمعت ضبي العدامي=ادرى عليها من هل القيل والقال
اللي ليا سمعو طوارف علامي=تباشرو يامال قصاف الاجال
هاك الصغير اللي يحط اللثامي=توه على المغشاه حبه برا الحال
عمره ثلاث وست واربع تمامي=الموت الاحمر للمخاليق قتال
ياغضى بعينه ثم لحضني شمامي=اشوف موتي بين طلعه ومدخال
عين اشقر فكو سبوقه و حامي=شاف الحباري ثم حداهن على الجال
عشابهن بعصير قبل الظلامي=في وادي"قبل امس وامس الضحى سال
والزول زملوق"سقاه الغمامي=دايم عن اللاهوب والشمس بظلال
ولانساه لين المسلمين الصيامي=ينسون فرض الله عليهم والانفال[/poem]
الشاعر حماد بن حمدان العوض السويدي

(بعيد المساري)