هذي بنـات اليـوم برقـع وجـوال
ولاعبايـة كتـف هـم يلبسـوهـا
والراس فوق الراس طرحه مع الشال
حتـى الخصـال الطيبـة افقدوهـا
يوم البنات اللي غـدٍ سبـت اهمـال
ويـوم السبايـب اهلهـا هملـوهـا
الأم نامـت والاب صــار تمـثـال
والبنت راحت ويـن مـا يسألوهـا
بالليل تسهر بيـن هاتـف وجـوال
والا عـلـى الـشـات سهـروهـا
اللبس تلبس كل مـا يطـرب البـال
وفلوس لو تنقـص عليهـا عطوهـا
من شافها باللبس يا ساتـر الحـال
يسبهـا ويسـب مــن خلفـوهـا
كومة لحم وعيـون والرمـش قتـال
ولما مشت كـل الشبـاب اتبعوهـا
هم مـا دروا لـو البراقـع بتنشـال
ونشوف وش تحت البراقـع خفوهـا
وين البنات اللي بهم تضرب امثـال
ليت العلـوم الطيبـة مـا تركوهـا
البنت زين البنـت لا زانـت الحـال
ما هـو بلبـس ولا علـوم خذوهـا
وين المراجل ما بقى غيـره ارجـال
يليت الشـوارب واللحـى حلقوهـا
اللي على عاره رضي الـذل ينقـال
ليـت الكرامـة ليتهـم يرفعـوهـا
ما عاد ينفـع قـول فيهـا ولا قـال
لا الأم والله ولا الأبــو انفعـوهـا
اصبح ضياع البنت بسبـاب جـوال
البنـت ضاعـت والأهـل ضيعوهـا
منقول