هذلول الشويهري من القلاباء من القرشي من السويد كان له عدة غزوات وهو خواله الهرابدة من الفضلي
من السويد ماهو امير انما هو عقيد قوم كان أيام زمانه أمير السويد فالح بن قدور ياخذ الشرارية خاوه على سنجارة غزو غزو من عبده وتعلقهم لهم واحدٍ سويدي أسمه محمد الهربيد واكانو على الشرارات واخذو اباعرهم يوم رجع صار حقه ناقة وحده ودري بن قدور وارسل عليه قال يجيب الناقة اللي عنده وعيا لايجيبه وزبن الشويهري قال انا زابنن الله ثم زابنك ابن قدور يبي ياخذناقتي ويرجعه لشرارات قال يابناخي أنت عندك خبر ان بن قدورياخذه من سنجارة كلهم وانت بن عمله ولكن يوليدي شف نياقي خذ اللي تجوزلك ورجع هالناقة ورفض الهربيد وقم ياهذلول ورح يم بن قدور قال انا جانآ هالرجال واليوم زابنآ الله ثم زابنك انك تعطيه اياه قال لا وارجع وعطوه الناقة وزعل الشويهري وهو يغزي وقال اللي يبي يستحرم الشرارية لايخاوينآ ويمشي معه سبعة بس ويكين على الشرارات بظلع راف عند المروت وياخذ حلالهم
يوم جاء اهله ويعزل اربع نياق ويصلقهن على محمد الهربيد بدل ناقته ويرسل عليه بن قدور قال يدي اللي بوجهي قال هالحين انا ماانتهيت من المغزى يامني خلصت امشي له بالحق وتفرح الناس ويركبون معه
ويكين هذلول على الشرارات بالشعيرة في بطن الطويل وياخذ اربعين ذلول يوم انهم جو ويرسل بن قدور للشويهري يبيه يرجعهن وهو يعيي ويرحل بن قدور وينزل على بن رمال قال بن رمال والله يبن قدور لو جتك من احد بعيد ابشر بالعز بس الشويهري ولد عمك ولاتدخل بينكم وقم وانزل على بن ثنيان امير الزميل
وقل نفس كلام بن رمال وهو يزعل بن قدور ويرحل ولاينزل الا بالجزيرة وهويغزي الشويهري على الشراات بالشبكة بالخنفة ويرجع الشويهري ويرد على جبة قال بن رمال اناوالله بيني عهد انا وبن شعلان
مايضرب الخل احد بينهم قال الشويهري انا مااضرب الخل اللي بينكم وهو يسند يفتح خل الشويهري المعروف الان وهو تنقطع خوة بن قدور والشويهري وعقب وقت وهو يغزي على عنزة وهو يغزي الشويهري بالصيف معه اربعين ويوم اقبلو على كحله يبون يردونه وهم مقبلين عليه صاد حسين الذنيب له ضبي تر الظبي عشى بعضهم وبعضهم ماذاقوه يوم انهم وردوعلى الأمشاء نهج واحدٍ يقال له دباس العميم
وهو يصيد له بقره وضيحي ويشبعهم كلهم قال هذلول تر هذا لون بواردينا يالقرشي كود يحقق بوارديكم يالفضلي سكت حسين الذنيب مارد عليه مشوا يوم انهم طلعوا على الجو ياهذي النزل ناس تبني البيوت وناس تحفر الماء يوم راعو ربع هذلول يالعرب كثيرقال الشويهري اسم العرب انتبهوا بنا بس خلونا نغير على الرحل وناخذهن وهم يغيرون وياخذونهن ويلحقونهم العرب معهم سليم اللحاوي واول مايلحقهم هو سليم ويتشطر له حسين الذنيب وهو يضرب الفرس ياطايحة وهو يرجع اللحاوي هويركب بنته وهو يلحقهم مرة أخرى يوم اقبل عليهم وهو يطيح منه السلاح وهويعترض قداهم اللحاوي قال العذر لله ثم لكم يصبيان شمر
والله ثم والله أن مقطها غادي لاتقولون جانال ولاهاش والله لو فتيلها فيها انكم ماتقفون وشعلان معكم شعلان الحر قال واحدٍ سويدي اسمه معيوف بن محارب ارجع وراك ياللحاوي لايذبحك بواردينا اللي حافظ مقطه قال حسين ياسليم والله اني شحيت بعمرك وحطيته بالفرس ابيك ذرا للشراريات تسنعهن
يوم أنهم أقفو التفت حسين الذنيب على الشويهري قال له
تروا هذا لون بواردينا يالفضلي يفك بوارديكم يالقرشي يشره على جدع الخيال يالحق
ردآ على يوم الشويهري يقول بواردينا يحقق بوارديكم
ضحك هذلول قال والله ياحسين ماقلته أمزح قال والله ان بغيت تمزح والله صادق
قصد عاد حسين الذنيب قال الابيات شاهدٍ للمغزى
والباقي سوف نكمله قصة أخرى
مماقال حسين الذنيب بهذا المغزى[poem=font="Arial,5,#ffffff,bold,normal" bkcolor="#000000" bkimage="" border="none,1," type=3 line=0 align=center use=ex num="0,"]
الاولة يوم النضا مقفيات = عشيتهم من قايدات الجميله
والثانية يوم النضا مقبلات = ريحت حشاش الكبيش الطويله
لحقت ترثع به سواة المهات = شمام اليا انا مشرعه بالفتيله
واحلو نزوتها وهن مقرشات = ياكاسيه مثل الهماليل ذيله
سليم دوك المرشحة والحذات = تخلف الله عقب ركب الأصيله
يااختفن العيرات كثرو نخات = في ساعة على المحول ثقيله
لعيون من خده يشاد المرات = اللي ليا حد المبرم ثليله[/poem]
قصة هذلول الشويهري 
العرض العادي
