[poem=font="Arial,5,,bold,normal" bkcolor="" bkimage="" border="double,4,#000000" type=0 line=1 align=center use=ex num="0,"]
ماني دعاية وسط دانه وساحه=شاعر وامثل لابتي خير تمثيل
عندي رضى ربعي مكاسب وراحه=اللي لهم تاريخ جيل بثر جيل
تاريخ عز وطيب مابه وقاحه=بظهور حردالخيل والامعاميل
ياصاريوم"شروالبيض صاحه=اولادزامل ضدهم به مراميل
اذكر فعايلهم بصدق وصراحه=من واقع التاريخ ماقول تمثيل
مابه غلط معروف قولي فصاحه=ماني مدور في كلامي نشابيل
اقاف مواقيف الفهد وسط واحه=ولاتابع الجاهل ولا اتبع مهابيل
وياصار يوم"كل يلبس وشاحه=انا وشاحي للرجال المشاكيل
واللي بكيفه قام يكسر جناحه=خله مثل من يفضخ العين بالميل
ماني مدور في زعله وسماحه=لابد يلقى في طريقه عراقيل
خله يدور في طريقه مباحه=ويعرف الثومه من الفجل والهيل
خله يابوسعدون نوع استراحه=به المحارب ركد السيف والشيل
خل الحشو تلعب بوسطي مراحه=مادام جيل الامس خالف به الجيل
مناورقصيدة للجدود بوضاحه=للزين زين والعدو به سماليل
حمود ومناور ويعرف جناحه=وزيد السويدي جنبهم يسرج الخيل
دون المواقف شعرنا له مساحه=يوم العدو في جنبنا له محابيل
قالوا وقلنا والسمق له متاحه=يلبد ولاشافه مناظر درابيل
ياليت من يسأل سؤاله صراحه=عن ماضي التاريخ ماهي تهاويل
علم السويد علوم ماهي قباحه=اهل العلوم معيشين المراميل
شعارهم ماضي على العز راحه=واللي بقى وافين واللي مقابيل
ماهو صحيح انه يسمى وقاحه=اشعارهم بفعالهم له دواليل
سلوم ماضينا مفاخر وضاحه=نمشي بثرهم صبح والعصر والليل
ومن ضيع الماضي سريع"مطاحه=مثل الغريق اللي وقع وسطي النيل
ومن يشرب الشخلول عذبي قراحه=خل الهماج وشام شرب الشخاليل
وعصر الحداثه مانجيه بقباحه=له منهج"ثاني وفيه المشاكيل
ومن عايد الثنتين راح بمراحه=مثل المصوت ليل وسط الغراميل
كل"يابوسعدون قال اقتراحه=وانا اقتراحي جاك مرسل مراسيل[/poem]
مماقال الشاعر زيد بن مطلق السويدي أسنادا"للشاعر مناور محمد السويدي