هذه القصيده تعبيراً عن مشاعر الاعتزاز والوفا لشخص يستحق الوفاء منا على ماقدمه من الافعال الطيبه لقبيلته السويد وهو الشيخ /سعدون بن عباس السويدي الله يسكنه فسيح جناته
[poem=font="Arial,5,#0000ff,bold,normal" bkcolor="" bkimage="" border="none,1," type=0 line=0 align=center use=ex num="0,"]
مبـداي بالـلـي مالـكـن كـامـل الـكـون=ومعيـد بعـد المـوت للخلـق الانـفـاس
ارجيه واطلب رحمته واطلـب العـون=يوم البشر محشور من كـل الاجنـاس
ومن بعد ذكر اللي له الخلـق يرجـون=سجـلـت عـذبـات المثـايـل بقـرطـاس
يقـول مـن لايقبـل الضعـف والهـونـ=ويرفـض مشاريـع الخسايـر والافـلاس
والشعر وسط القلب والـراس مكنـون=اركـان نظـم الشعـر بالقلـب والــراس
شاعـر نـظـم قيـلـه محـكـم ومــوزون=والشعـر للشـعـار مشـاعـر احـسـاس
ابـدا بنضمـه مثـل مــن فـيـه يـبـدون=واخذ بنضمـه حسـب ماريـد مـرواس
واخترت شعر المدح في ناس يافـون=واكيـد مايمـدح مـن النـاس الاهيـاس
الــمــد لــلــي بـالـمـراجـل يـبـيـنــون=والا الردي مدحـه مثـل طابـخ الفـاس
يبـي المـرق مـن فـاس بالله وشـلـون=اهـل الـرد معـروف دانيـن وخـسـاس
والـحــق لـلاقــراب دايــــم يـقـولــون=ودايـم يقـال اللازمـه لاقــرب الـنـاس
وفي مدح ربعي كـل الاوقـات ممنـون=وبمدحهـم يمنـاي بــه يـرفـع الـكـاس
مدحاً علـى فعـلاً ماهـو شـك وظنـون=والقصـر بنيـه يحملـه قــوة الـسـاس
والمـدح يزهـا واحــداً مـثـل سـعـدون=ومن قال منهو قلـت هـذا بـن عبـاس
ذبـــح مـعـيـده والمخـالـيـق يـــدرون=وسجـل لـه التاريـخ بالفعـل نـومـاس
ومن يجحـد الافعـال خايـب وممهـون=لابــد يـومـاً جـاحـده يشـكـي الـبــاس
يـاتــون مـنـهـم للفـعـايـل يـخـبــرون=ويصغـر حجـم راع الرديـه ويحتـاس
الطيـب يبـي نــاس للطـيـب يـشـرون=والسيف ماشبه على وصف الامواس
الـفـعــل يـبـقــاء والاوادم يـمـوتــون=يبـقـاء مــع التـاريـخ للفـعـل نـبـراس
النـاس لاهـل الطيـب ماعـاد ينـسـون=واهـل الوفـا والطيـب للطيـب حـراس
امــا هــل النـمـات والبـغـي يخـسـون=اهـل الـردا مـالـه بالامـجـاد مـجـلاس
مـابـيــن هــــذا ثــــم هــــذا يـنـمــون=وهـاذي طبـايـع كــل خـايـب وبــلاس
لـو مــا سمـعـوا للهرج لازم يظـنـون=بظنـونـهـم لـلـنـاس لـلـشـر مـقـبـاس
واهــل الــردا عـلـى الـوفـا مـايـمـون=ونـراع الـردا دايـم بالافعـال هـسـاس
العـفـن لــو يمـلـك ثمـانـيـن مـلـيـون=ماهـو لـثـوب المـجـد بالفـعـل لـبـاس
ونرجع لمدح اللي زها المدح سعدون=بالفعـل يـوم الـنـاس تحـتـاج للـنـاس
بنـا عـلـى مـجـده دراويــز وحـصـون=وتـاريـخ يـقـراء سيـرتـه كـــل دراس
وابــنــاه بـالافـعــال ماعـلـمـهـم دون=ومدح الرجل في موجب الفعل ينقاس
علـى مسيـرة طـيـب الفـعـل يمـشـون=وانـا احمـد الله كلـهـم مابـهـم هــاس
للـي زبـن يـذرون وبالطيـب يـحـرون=كـلاً ركــب للطـيـب بـشـداد عـرمـاس
عـن اللـي نخـاهـم عــادةٍ مايـصـدون=لو واجهـوا بالـدرب مشكـل ولـولاس
وبجـاه رب الـكـون بالطـيـب يبـقـون=وامجادهـم للـي حسـد غبـن وعمـاس
وعلى الامين اللي على الدين مامـو=نصلـوا عـدد رمـلٍ تـكـون بالاطـعـاس [/poem]

صح لسانك ياسميحان قصيده جميله ...

وهل تعلم اني كنت مخاطباً للا ستاذ فيصل النجيفان مدير موقع شمر الرسمي واطلق عليك لقب شاعر موقع شمر شاعر الوفاء ...عاد حنا نتنومس بشعار شمر وشلون لو صار سويدي وابن عم وشاعر رائع ...
لا تقاطعنا بالموقع مالك شوووفه

الاخ صوت الخبه
شكراً لك على هذا الرد والتعبير الوافي الله يعطيك العافيه

الاخ كتيد شبرم
مشكور على ردك الله يعطيك العافيه

ابو طراد صح لسانك على هذه البيوت الجميله
في مدح المرحوم بأذن الله الشيخ /سعدون
ذباح معيده لضيوف
ولاهي غريبه عليك
اظهار فعل مشاهير القبيله ولاتخلينا من جديدك بهذا الخصوص
او غيره
تقبل
احتررررررررررررررررررررررررررررررامي
م ---- جاكرتا

الكرار
شكراً لك على ما تفضلت به في هذا الرد الوافي الله يعطيك العافيه
وابشر باللي يرضيك انت والاخوان في هذا المنتدى العزيز

ابو طراد

شكرا لك وصح لسانك ولاهنت على هالابيات

والله يرحم الشيخ سعدون


تقبل مروري ولك تحياتي

برزان قطر
شكراً لك على هذا الرد الوافي الله يوفقك كل خير