بــــــــــــــــــــــســــــــــــــــــــــم الله الــــــــــــــرحـــــــــــــــمـــــــــــــــن الــــــــــــــرحـــــــــــــــيـــــــــــــــم
هاذي القصيده من قصائد الوفاء لاهل الوفاء ومنهم الشيخ /دهلوس بن مطير الذنيب السويدي رحمة الله عليه
[poem=font="Arial,5,#000000,bold,normal" bkcolor="" bkimage="" border="none,1," type=0 line=0 align=center use=ex num="0,"]
يـقـول الـلـي يـاقـال للشـعـر يـحـتـاط=مـن عادتـه مايكتـب البيـت معكـوس
شاعر يجبـد الشعـر فـي كـل الانمـاط=والبيت ياتـي كامـل الـوزن مـدروس
ابـيــات ماقـلـتـه تـجـامـيـع ولــقــاط=من ضامراُ به رئيس الشعر محبوس
الجـاش يملـي والقـلـم نــوع خـطـاط=والبوك في كفي بالاصباع ممسـوس
عن نقص معنى البيت لاشك محتـاط=قطف الزهر من خايعاً غيـر معيـوس
بــرد الثـنـا والـمـدح للشـعـر مـقـلاط=والا الردي مدحه من الظلم والبـوس
امـا علـى كبـد الـعـدو شـبـه مخـبـاط=سـمٍ علـى كبـده مـع الغبـن مدسـوس
اختـرت شعـر المـدح عنـوان ماحـاط=بالراس وانا اللي ريسٍ غير مريوس
للشعر من راسي على القلـب مهبـاط=والمد ح دايم والوفـاء يرفـع الـروس
ابيـات مايوجـد بهـن هــزل وصـقـاط=امـدح بهـن جزيـل الافـعـال دهـلـوس
دهلوس ابن مطيـر ماهـو بالاوصـاط=بالمجـد يوجـد لـه مواقيـف وجلـوس
شيـخ الفعـل ماهـي خـرافـات خــراط=فعله خصيم اللي دخل راسه الهـوس
بالحكي يلبـس مـن جديـدات الانـواط=وقت اللزم يلبس من العيـب ملبـوس
لسيف الوفاء والمجـد بالكـف حطـاط=و اليا بخصتـه بـارد الوجـه هلبـوس
المرجـلـه دربــه صـعـيـبٍ ولايـهــاط=مايقربـه مـن سايـر النـاس دنـفـوس
يزهاه اللي ماعاش بالخوف واحبـاط=ولاهو على ربعه من الغير جاسـوس
تـبـي مـثـل دهـلـوس للـمـجـد قـــلاط=يوم الردي عن فعل الامجاد منكـوس
فعـل الــرد خذامـعـه عـشـرة اشــواط=شارب مثل شرواه ناقـص ومهلـوس
وطلعـة كـرى ماتشبهـه طلعـة الغـاط=والناس به طيـب ومستـور وهلـوس
وبهم الخبيث اللـي بالاعـراض لغـاط=لسانـه بغـرات البشـر يشبـه المـوس
تمضـي حياتـه بـيـن نـمـات وغــلاط=اللي يشبه بالوصايف علـى السـوس
ونرجع لمدح اللي خذا المجد واحتاط=لفعلاً يسجـل بالفخـر غيـر مطمـوس
يوم الزمن جوره على المجتمع شاط=خـذا مــن الامـجـاد بالفـعـل نـامـوس
لوجـه العـدو بشريفـة الكـف صطـاط=خشوم العداء يدوسهـن بالقـدم دوس
ومات وبقـى مجـده مخلـد بالاوصـاط=وزع علـى عيالـه شـهـادات ودروس
في مجد ابـو هـم لاتهـاون ولا افـراط=الـكـل منـهـم حافـظـاً مـجـد دهـلـوس [/poem]
الـــــــشـــــــاعــــــــر / ســـــمــــــيــــــحــــــان بـــــــــــــــــــــــن فـــــــــــهــــــــــــد الـــــــســــــــويــــــــدي
يـقـول الـلـي يـاقـال للشـعـر يـحـتـاط=مـن عادتـه مايكتـب البيـت معكـوس 
العرض العادي
