[poem=font="Arial,5,#000000,bold,normal" bkcolor="" bkimage="" border="none,1," type=0 line=0 align=center use=ex num="0,"]
يقـول اللي حـده زمـا نـه حـده=عـلـى كـــلامٍ مـايـبـي طـاريــه
جور الزمن في كل معنى ضده=هذا اولـه والخـوف مـن تاليـه
كيف الاسد صار الحصيني نده=ويمكن يهزمه لوحصل به هيه
والهجـن مـالـه بالفيـافـي فــده=في وسط شبكـن باركـه مثنيـه
وقول الحقيقه مختفـي لـه مـده=والكذب يصهل طايشٍ في غيه
شـواهـد الـتـاريـخ لازم عـــده=لسكـات نــاسٍ بالـوهـم مبلـيـه
نـاسٍ تبيـن وتختـفـي بالـشـده=وافعالـهـم وامجـادهـم وهمـيـه
عـن الـلـوازم لازمٍ لــه صــده=تمـوت لوهـي بالوجـود وحيـه
يمنـاه لـو سلـمـت لــك مـامـده=خايف سلامـك فـي مبـدا سيـه
وسم الردا والحقـد ياسـم خـده=من الحقد كبـده بالحقـد مكويـه
والاجنبـي يعطيـه كـامـل ســده=مافـيـه عـنـده سالـفـه مخفـيـه
يصبـر ولوهـو بالمهونـة كــده=اوامـره فــي مايـبـي مرضـيـه
رد الــكــلام الـيـاهـرجـتـه رده=عني وانا اعرف كلمتي معنيـه
رجالٍ تقول الهـرج ماهـي قـده=شـواربــه محـلـوقـةٍ ولـحـيــه
يمكـن يقولـه مفتخـر فـي بــده=شخصٍ دخل باحلامـه الورديـه
الرجـل مايكفيـه مـاضـي جــده=وابوه وشخصه سيرته منسيه
وش فايـدة قصـراً قـديـمٍ هــده=طول الزمـن مـا بنيتـه محميـه
اللـي الفعـول الماضيـه تـسـده=هـذا ضعيـف الجهـد مالـه نيـه
يقـول انـا لــي سـيـرةٍ ممـتـده=قصر الجدود وجالـسٍ فـي فيـه
ولوتنشده عن وش فعل مارده=عفـن السجايـا سيرتـه ملـويـه [/poem]
رد الــكــلام الـيـاهـرجـتـه رده=عني وانا اعرف كلمتي معنيـه 
العرض العادي
