هذي قصيده بسيطه انا كاتبها وحبيت اشاركم فيها عسى ان تنال اعجابكم
بسم الذي كور الشمس تكوير
أبدأ وأعبر وأختصر بالمقالي
مني لكم يالربع حسن التعابير
قصيدتن عصما وهي راس مالي
ودي نشاركم في القول تعبير
ناس(ن) نودعهم وناس(ن) قبالي
هذا السلف ويا الخلف مابهم تخيير
نعمين بالاثنين مثل الجبالي
مسطرين الحب للقول تسطير
راعي المشرق وراعي الشمالي
قدمت لي مبحث وعديت تقرير
عن مجمل الايام هي والليالي
ولقيت لي في الدرب بعض المغاوير
يعجبك جسمه ولا يشيل الثقالي
واليا انتصحته صور الفن تصوير
وقام يتمطى في ربوع الخيالي
يشجع الكوره وينفخ على الكير
ولاتحتزم به يوم ترقى المعالي
ويحب قولة أدهن السير ويسير
ويبطش بقوة لاحصل له مجالي
خله وزله لين يركد ويصير
رجال عاقل مابقى به خبالي
قـــــصـــيــدة من قــــصــــــائـدي 
العرض العادي
