[poem=font="Arial,5,#000000,bold,normal" bkcolor="" bkimage="" border="none,1," type=0 line=0 align=center use=ex num="0,"]
[يا راكب(ن) من فوق خمـس وثمانيـن=هجـن هجـا هيج(ن)هجافـن مهـاوي
بنـات حــرن قيمـتـه بالملايـيـن=ماجابـه القـراش هـو والـقـراوي
والكـل منهـن سابـق( ن ) بالمياديـ=نماجمّعـوهـن بالثـمـن والـكـراوي
حمر( ن ) بشقار وبيض من حد اليدين=فـج المناحـر والغـوارب رهــاوي
مانفـرق الوحـدة علـى كـل ثنتيـن=اللـون واحـد والوصايـف تـهـاوي
يروحـن يشـدن مــدالا الشياهـيـن=تغـاورن الـدرب مثـل السـعـاوي
مـن حائـل توجهـن صبـح الاثنيـن=والعصـر ملفـاه حسيـن اللـحـاوي
تلقـى النشامـا وسـط بيتـه دياويـن=ماسكـر البيبـان يجـلـس خــلاوي
شيخ (ن ) ولد شيخ (ن) به الناس دارين=واليا أنتخـى يزهيـه زيـن النخـاوي
عطه الخطـاب وسلّمـه بـا المياميـن=ياتيـك رد العلـم عجـل (ن) شفـاوي
كان اللحاوي جد جـاك الخبـر زيـن=تبادلـوا عصـم الـروايـا الـفـداوي
قل ينخاك مسجون طوى حالـه البيـن=ليله كوابيـس(ن) مـن الهـم ضـاوي
علمه وصل للشـام وايضـا فلسطيـن=حتـى العـذارى لابسـات المـزاوي
امـه تهـل عبارهـا وتـذرف العيـن=بين الرجـاء واليـاس بيـن العـزاوي
تنخاك بالأصـوات ياحسيـن ياحسيـن=الجرح مالـه غيـر جاهـك مـداوي
اطلب لنا قبـلان يسمـح عـن الديـن=شيخ (ن ) يامنـه بغـا العفـو قـاوي
عطنـا الخبـر اليـوم ماهـو بعديـن=تكفـا ياقبـلان كـان إنــت نــاوي
سقنـا عليـك الله عـدل المـوازيـن=جـاه الكريـم اللـي يفـك الـبـلاوي
انتم هـل الفزعـات بالعسـر والليـن=وابن دعيجـا ماظـي ( ن )بالهـداوي
للزيـن زينيـن وللمعـادي ضريريـن=ياطار عن ستـر العـذارى الحيـاوي
خيّالكم ينطـح مـن الخيـل عشريـن=ومن شافكم بالحلـم هـج الضحـاوي
تشهـد لكـم افعالكـم بـاول الحـيـن=زمـل النخـوت مزبنيـن الـجـلاوي
تشهد لكـم حـدب السيـوف المناييـن=اعماركـم ماهـن عليـكـم غــلاوي
فعلن صحيح وماضي (ن) له براهيـن=تشهد له العيرات يـا جـن مضـاوي
كم شيخ قوم (ن ) طاح بيـن المثاريـن=مـن فعلكـم بالقـاع طـاح متسـاوي
عـن فعلهـم ينبونـك الربـع الأدنيـن=من هـم عليهـن ياصلـون الحـراوي
نقـول ياعيـال الشـرارات نعمـيـن=نعمـن بـكـم يامتعبـيـن القـهـاوي
تمـت وصلـوا عـدد ماقالـو اميـن=وعـداد ماخـط القـلـم كــل راوي
مشاركه من السيد مثقال صالح السويدي [/poem][/poem][/color][/poem][/poem][/poem]
مثقال صالح السويدي الشمري(قصيده بدهان) 
العرض العادي
