مساكم الله بالخير ...راح نتكلم بالعامية لان مثل هذه القصص لما نوردها بالعامة يكون لها استماع وانصات جيد ..لان حنا تعودنا نسمع من اجدادنا القصص بالعامية لانه تتخلل بعض القصة مفرداة عامية فصعبة جداا تسمع القصه بالفصى او الكلام المنقول كــ دراسيااااا ,,,,
يقول سلمك الله كان رجل له بنت وولد توفى رحمة الله عليه وترك هالولد والبنت طبعااا الظروف صعبة اول والولد اول مايكبر خلاص يروح يدور رزقه ويمن ماكان .. المهم راح الولد وبعد فتره رجع يبي يشوف اخته وبسلم عليه يوم جاء لاقاه متزوجه ورجله ماخذ نصيبه من الابل اللي ترك ابوه ... المهم سال وقعد يسال عن دياره انغث يعني وقال شلون اختي يعني عشانه ضعيفه ومره ولا له احد يعني هذا ياخذ الابل حقاته المهم قرر وعزم انه يرجع الابل حقاتهم المهم سرى بحدا الليالي ويم وصل حول البيت ومراح البل وبيت اخته بس تخبر ماعو عارف بالضبط وين مكانهن وصعبة يجي يدخل البيت اخر الليل او يغزي بيت اخته هذا ,, المهم قال مالي الا اعوي مثل الذيب اغدي اختي تنبه لصوتي او تعرفن ,,
المهم قرب من البيت وهو يعوي ,,, يوم عوى الا تقل رمح بصدر اخته وهي تنتبه الا هذا مو صوت ذيب قالت اخوي بعدين قالت لا لا اخاف ماهو هو ونفضح المهم ياربي وش اسوي وش اسوي وهو يرد الصوت مره ثانية ,,ولا احد يجاوبه ,,, قالت بس هذا اخوي ,, وهو تقصد هالبيتين ,,
يـاذيـب يـاللـي جــر صــوتٍ عــوى بــه ****
تقنــب طــرب والا مــن الجـــوع يــاذيــب
ان كنــت عطشـــان ... هنيـــا ســـرابــه ****
وان كنــت جــوعـــان تــرانــا معـــازيــب
تــرى مفــال البــل بـــدرب الخـــرابــه ****
مــاعنــدهــا إلا هــايــف الخصــر يــاذيــب
قعـــــودي الاشقــــح عليــه القـــلابــــه ****
وبكــــاري الثنتيــــن مـــن فطــــرٍ شيـــــب
ايه وهو يدري ان اخته عرفته يوم سمعت صوته وردة عليه بالبيتين هذولاي وعرف هو ان اخته ماهو عنده المعزب اللي هو رجله ,,, ايه يوم سمعت ام الزوج اللي هي ام زوج البنت قامت شكة قالت اخاف هذا عشيقااا له او حبيبه غير ولدي وهو ترد عليه بالبيت هذا طبعااا العجوز ردة على البنت وقالت ...
يــابنــت ليــا الــذيــب ينهشــك نــابــه ****
يقــذلــك مــن بــد البنــي الــرعــابيــب
انتــي كمــا رجــلٍ حلــب لــه جــلابــه ****
لا ســامهــا الســوام يلقــى العــذاريــب يوم سمعت البنت القصيدة عرفت مقصده وعرفت انه شاكه بالبنت ان هذا حبيبك او عشيقاااا لك ,,, وقامت قصدة هالقصيدة
وحيــاة جــلاب المطــر مــن سحــابــه ****
انــي عفيفــه مــاوطــي حــولــي الــذيــب
وانــي كمــا عــــدٍ عــــذي شــــرابــه ****
مــاتلحقــه بــالقيــظ حـــــرش العــراقيــب
ول يــاعجــوزٍ جعــل شيبــك نهــابــه ****
هــذا عـــديـــل الـــروح مــاهــو لنــا ذيــب
وعرفت انه اخوه وسكتت وجاء عاد وخذا البل ورجع ...
وانتهت القصة ...
تحياتي ..
ول يــاعجــوزٍ جعــل شيبــك نهــابــه **** هــذا عـــديـــل الـــروح مــاهــو لنــا ذ 
العرض العادي
