الجنازة .. عبدالعزيز ,, اخو نورة ... سعوط المجانين ,,, كلهن له ..

عبدالعزيز المتعب الرشيد ..رجل من رجال التاريخ ورجل من اللي فدا بروحه وجازف كله عشان حايل.. رجل ماعنده يمين يسار كلمه كلمتين وهي شابه .. رجل بعد كل حرب او غزوة مايطلع السيف من يده الا لازم يحطونه بماء حار عشان يفك الدم عن يده لان الدم يقولون اذا صار كثيف وابطى يلصق على اليد ...اول الحياة جوع وبهذله ولامن عيشه زينه تمر ولبن وغيره ان حصل (( تمن )) ولاهو بعد دايم المهم ارسل عبدالعزيز (الجنازة ناس للعراق يجيبون التمن ايه وصول للعراق وتواجهو مع سعدون الاشقر ..قال وش جايبكم ياهل حايل عندي قالو شوفة عينك نبي الرزق نبي التمن اهلنا ذبحهم الجوع ونبي نرجع .. قال من مرسلكم قالو شيخنا قال من شيخكم قالو عبدالعزيز الرشيد ..
قال والله مايطب حلوقكم ياشمر يالله ارجعو وقولو لشيخكم والله لاصبحه بحايل وعلي نذر الا اغزاه حاولو منا منا ياخذون التمن ماقدرو ايه رجعو لحايل وعلمو عبدالعزيز قالو له حصل كذا وكذا وان الرجل حالف وناذر الا يغزاك .. وهو ينتخي قال انا اللي على نذر الا انقض حلفه ماهو هو اللي يصبحن وش رايكم يالربع قالو حنا حضيتك يأخو نورة وهم يجهزون الجيش وهو يشدون وهو يغزونه ,, وهو ياخذونهم ,, ويم جاء نص الليل وهو يجي عبدالعزيز للخيمة الا هذا سعدون مبوط داخل الخيمة رابطه حدى الفرسان حقين شمر ويوم شافه عبدالعزيز قال وين التبانا (( التبانا مشهورين بالشعر والفروسية هك الوقت )) ويميزهم الشعر انهم يحضرون الشعر بوقته على طول ... اللي منهم الحين عائلة التبيناوي ,, المهم دور منهم احد مالقو ورجعو للجنازة قالو مالقينا ياطويل العمر منهم احد الا ولد (( جذع )) عمر 15 قالو ادعوه ورجعو للولد ودري الولد ان الجنازة يبه عشان يقصد بسعدون اللي مربوط بالخيمة وهو يحضر القصيدة وهو وجه جايي للامير بالخيمة ,, ويوم وصل للخيمة وهو يقول ,,

سعدون جاك الضاري اللي حكى بك
000000000وافي الوعيد اللي حكى قايل شين

مـــن يوم صــــرتوا طــاحنين زهابك
000000000يـــــاويل يـــاسعدون من نطلبه دين

يــــااشقر جـــاك اشقر مــــــايهابك
000000000لاتنخدع هــــــــــذا سعوط المجانين

يــــــــاتايه الاشوار هــــــذا عقابك
000000000مدمي المخالب مــودع الخرب قبعين

يــــامحد وش لك بكاساسير بـــابك
0000000000قبل تـــــــناحون الضياغم سلاطين

قمت تحرش يـــــوم قرب خــــــرابك
0000000000يــــــــاما زعلنا واول الحين منحين

على الخميسيه نــــــــوسم ركابك
00000000000وعــــــلى الشبيبيه نحط المحادين

اقضاء للمسة خــــــــبزنا سد بابك
00000000000ولا فعل الا فعل عـــــدل الموازين

الحمد لله يــــــوم قـــــرب عذابك
000000000000من فعل شيخ للسعد لــه نياشين

نــــــاتي بـــزيزوم الطنايا عقابك
00000000000لاشفت ابو متعب تخلي السوادين

صفى ربابه يوم ربرب ســــحابك
000000000000وسميه مـــــنها تـــــلم الشعابين

اشقر اليا ضم الجناحين جـــــابك
000000000000عــــلى دماغك ماقعك بالطعانين

ودٌهم تطير مـــــــاسكن من ترابك
0000000000ونرمي على كبد الحريب المصاخين

والا انت خـــــبل ينزع الله شبابك
000000000000قـــــــــبل لعيين المخاليق مطنين

ودونك حـــــصاة بس عضه بنابك
000000000000ياللي تقول محير حــــب شاهين

اما بنو الخير مـــــــــاينحكى بك
00000000000انتم مــــــــربية اليتامى القديمين

ندخل على الله ماجحدنا حسابك
00000000000انتم ضواري مـــــار حنا ظريرين

لاهنت اخوي مايكبرني على النقل والله يرحم جميع المسلمين

اشكرك اخي على هذه القصه والقصيده الجميله
للفارس الامير الشهير المرحوم بأذن الله
عبدالعزيز المتعب الرشيد((الجنازه))
كيف رحمه الله يذكر محاسن خصمه وهو اسير بين ايديه ولا ينكر افعاليه في البيت الاخير من القصيده
حيث قال
اما بنو الخير مـــــــــاينحكى بك
00000000000انتم مــــــــربية اليتامى القديمين
ندخل على الله ماجحدنا حسابك
00000000000انتم ضواري مـــــار حنا ظريرين
اكرر شكري لك ولا تنسانا من مثل هذه القصص التاريخيه الجميله عن تاريخ شمر المجيد
أحتررررررررررررررررررررأمي

مايكبرني لقب مشكور لاهنت
على هذا النقل الأكثر من رائع
الله لايهينك