[poem=font="Arial,5,#8b0000,bold,normal" bkcolor="#808080" bkimage="" border="none,1," type=0 line=0 align=center use=ex num="0,"]
باالهاتف النقال سمعت الاخبار= وش سبب الكلام يافاهميني
اسما ينادى لها على شكل دوار= مادري عزيمة مادري ضايعيني
الطيب يعرف من قديمات الادوار= وخل الردي يستر مع الطيبيني
وشمر لمن للعدو طقة الزار = الي حضر يكفي عن الي غايبيني
شمر مواقفهم صعيبات وكبار= يعرفونه الي عقبنا لاحقيني
***
عبده هل الفرسة لاصارماصار= وزودن على الفرسة بهم شارتيني
اهل السموت وحضهم يكسر الطار= كبار البخوت الي علمهم يبيني
جداعة الفارس طلابة الثار = الي وطو( بهيج) بالنعلتيني
كزوه من عقدة وسكن ضلع سنجار = وراحت ملوكه ماخذاله ثميني
***
اسلم هل النموس وضيف والجار = هل الرحم هل الكرم فايزيني
هل اللحيسة لالفى البيت خطار = ماهم على ميسورهم باخليني
حماية الشعبة على الجيش ومهار = يوم القوامة فكو الشعبتيني
وخيالهم ياخذ على الخيل مشوار = ولايرجع الاصايد له سميني
***
وزوبع مقابيس المنايا للشرار= الي سقو (بيص) غبون السنيني
عبدن عديم ولاهسن يزحم النار = ويم الحجاز مخضبن له يميني
نخاه عمه مار عرضه للخطار = مايحسب زوبع يقطعون اليديني
ياجتهم الطنوه وطو قصف الاعمار = وعن ذبحة الفرس ماهم تايبيني
وراح الشريف يصارع الغبن منهار = وبيص قعد بداروعمه حزيني
***
وحنا طلعنا بخير ونهار ونوار= لانعرف ركب الخيل ولاراكبيني
بخطة ابوتركي برد لنا الحار = ماخططه قبله ولا المقبليني
باالعروة الوثقى تجود ومشى وسار= ونشاه من ضعف وصارت سميني
ناكل من النعمة ونمشي بلابرار = لاجوعا ولاعطشى ولاخايفيني
الله لايغير حلاها بلامرار= لانعرف الفتنه ولامفتنيني
الاياجا المملكة جايرن جار = حنا على بيبانها حاضريني
نصير اسود نطرد العار بثار = ونصادم العيال بلمهديني
ياالله ياناصر بعزك هل الغار= ياقابل التوبة من التايبيني
انك تعز الامن وتعز الانصار= عيال السعود الي مشو بليقيني
حماية التوحيد واعين الابصار = هم ساهرين وشعبهم نايميني
على النبي صليت وثنين حضار = الكاتب الايسر والي من يميني
اقولها بحضور قلباً واصخار = الله ربي ودين السلام ديني
الشاعر/خميس بن خميس بن محمد السويدي الشمري[/poem]

[frame="8 50"]صح لسان الشاعر الكبير ابو خميس

ومشكور ابو غانم على النشر المميز


لك تحياتي[/frame]

صح لسان الشاعر الكبير ابو خميس

ومشكور ابو غانم على النشر المميز


وتحيااااااااااااااتي لك

ابوماجد
سلمت وياك الله

لهيب عفاك ربي

الف شكر اخوي على النقل الرائع


الشاعر خميس بن خميس شاعر كبير ورمز من رموز شعراء السويد

وانا اقترح بأن يتم أنشاء ديوان له داخل المنتدى


اخوي تقبل مروري

صح لسان الشاعر ابو خميس

ومشكور ابو غانم والله يعطيك العافيه


لك تحياتي وأحتلاامي لك

الهادي
عافاك ربي

صح لله لسان شاعرنا وعمنا وكبيرنا (ابو خميس) وماقصر ولله يعطيه الصحه والعافيه وطال الله في عمره وهو من كبار شعراء السويد ولله يسلمه ,,

اخوي الكبير ابوغانم ماأدري وش اشكرك به على نقلك المتواصل والرائع والجميل لقصائد شاعرنا الكبير ابو خميس ولله يعافيك وأطالب واضم صوتي الى الاخ معكم اول بأول ولك بأنشاء ديوان خاص له لانه من الشعراء الذين عاصروا اجيال من الزمن الماضي والحاضر وكذلك ديوان لكل من الشاعر المغفور له انشالله العم (فرتاج ) رحمه لله عليه واسكنه فسيح جناته والمغفور له انشالله الشاعر والعم (محمد الغافل ) رحمه لله عليه واسكنه فسيح جناته واطلب الاداره بأخذ الطلب بعين الاعتبار ,,,

وتقبل سلامي وكل احترامي الموقر وتقديري لك اخوي العزيز ,,,,,,,,

اخوك برزان ( أبو فهد ) قطر