[poem=font="Arial,4,#000000,bold,normal" bkcolor="" bkimage="backgrounds/8.gif" border="none,1," type=0 line=0 align=center use=ex num="0,"]
نـاس يبـون اطلابهـم ضايقونـي=كلن يجي عنـدي ويعـد الأسنـاد
بيعات غيب بـا الحكـي بايعونـي=عقبن ثقل وفـاه مـن قـل الآنـاد
وفزعت لطيور السعـد وأزبنونـي=ياحلو فعل البـر بايمـان الأجـواد
عيال الأفيدع بالعطـاء باشرونـي=قادو لي الخرفان بأصخار وإجهـاد
عيال الأفيدع من عطاهم عطونـي=من عرض مايعطون جزلات الأمداد
عيال الأفيدع بالغضـب يفعلونـي=الجد يفعل والولـد مثـل الأجـداد
من سربة العصلان وساع الطعوني=ذباحت الطيب على الحـق يـازاد
للضيف ياجاء ببيوتهـم يكرمونـي=ولياتريض عندهم صـارت أعيـاد
وولآد صقـر جيتهـم وأعجبونـي=أعمهم بالمـدح وأحصيهـم أفـراد
ردوا على بأموالهـم وأضهرونـي=من شوحتن ياطب مدلاي بـه بـاد
خميس خذ مـن واردي وأفهمونـي=وصيـة الوالـد لـه البـال ينقـاد
وعن دارهم ياحسيـن لاتجنبونـي=وصيدك دورت الماء والرزق والزاد
لاتسكـن الا الـي بهـا يسكنونـي=وياخلـوه خلهـا لـو كـلـه أزواد
تره ليا شتد الرشاء وبـه محونـي=وقفوا عنك خلان الأرخاءو الأضداد
تـر الجماعـة دونكـم ينثنـونـي=ماتشوف ضيم والجماعة بالأوجـاد
كان حاجتك بالطعن وهم يطعنونـي=وكان هو بمال يدفعونـه بلاعـداد
أولآد صقر الـي لراسـك زبونـي=فعالت المعروف وافيـن الأوعـاد
أهـل بيوتـن بالطـرف ينزلونـي=ماهـم خفييـن علـى كـل نشـاد
بغربي مساكـن شمـر يسكنونـي=دار الجدود الى يضدون الأضـداد
علـى عـدود فوقهـن يقطنونـي=على طرف يطرب لهن كـل وراد
بحـد الجبـال مزبنـات البدونـي=شمالهم رمل علـى الطـول ينقـاد
يمضي خبيث القيظ وهم يشربونـي=مانن قـراح والرعايـاء بلأبـراد
وحضيرهم بنخيل أجـاء يلقطونـي=قسب وحمـر ٍيشبعـن كـل جـداد
ملك الجـدود الـي لنـا يعقبونـي=عسى لهم من جنـة الخلـد ميعـاد
بشعبان يشرب من نفيض المزونـي=ملكـن غـذاه الله منغيـر كــداد
ياواق سهيل فوق خظر الغصونـي=تباشرة بموايقـه خظـر الأعـواد
أمسـوا بـراي للرحيـل يحكونـي=يبون مشهـات العشايـر بالأنفـاد
مرحالهـم شـمـال ويغربـونـي=ولاردهم عـن ديـرت القفـر رداد
وللخوف ببيوت النقـاء يدحمونـي=وكزوا على الخنفة من الربـع رواد
وياجاء المطر لبراكهـا يشربونـي=وإن ربعت يرعونها بشقـح الأذواد
وكل الربيع رتـوع مايزعزعونـي=يما يحل بخظر الأعشـاب حصـاد
وعلى مـوارد نوقهـم يرجعونـي=ولاتغير الديرة ليا غـاد بـن غـاد
الدار تبـي لـه رجـال تصونـي=من خلقة الدنيـاء مطـرد وطـراد
لو مـا طعنـا ماسكنـا الركونـي=ماتنسكـن دار بلاصبـر وجـهـاد
نصبر على الديره وغثاها يهونـي=نبي نعقـب بالوطـن عقبنـا أولاد
يـا علهـم ياستولـوه يصلحونـي=ويقومون الديـن وسلـوم الأجـداد
حنـا نسلفهـم وهــم يكتبـونـي=ياعلهـم يوفوننـا وقـت الأرشـاد [/poem]
طــــــيــور الســـــــعـــــــــد 
العرض العادي
