قال الشاعر الكبير الوالد /خميّس بن خميس بن محمد السويدي
قصيده رد ثنى بأهالي قرية الهبيره وهم معروفين من آل وهب من الأسلم
حيث ان العم /حمد بن غضيان السويدي(رحمه الله)كان جار ٍلهم
عدة سنين وكان يثني عليهم طيلة حياته (رحمه الله)بحسن الجوار
وبعد ان توفي قاموا به خير قيام وهذا الفعل شاهده الشاعر وشاهدوه الجماعه
عند حضورهم.....وقال هذه القصيده سلام و تصوير للواقع



ياسعود وصلي سلامـي و بهديـه لعقب وهب هل الفخـر والشهامـه
أطيـب مـن الياقـوت بيـدي جانـيـه = وزرفه من الريحان ومسكٍ ختامه
ملك الهبيره عسى الوسـم يسقيـه = سحباً تقافـى باالهـدوء والسلامـه
تخضر نفوده والسهـال الرهاريـه = يتفاصـل النـوار ويكسـي حـزامـه
أهل الكرم وأهل الرحم والمشاريه = مـن عقـب حـاتـم قايمـيـن ٍمقـامـه
ورجالهـم الله علـى الطيـب هاديـه = وكـل المـراجـل لابسـيـن ٍوسـامـه
وقريبهم من طيبهـم نسـي أهاليـه = من طيبهم نسي الخـوال وعمامـه
عــزوه عــن دار ٍ جنـابـه مربـيـه = والحشمة العليـاء حطـوه بسنامـه
وبـروه بـا أمـوال تعيشـه وتغنيـه = وكـل ٍ يقـوم بحشمتـه وأحتـرامـه
مضـى حيـاتـه بينـهـم زود تدلـيـه = يوم مات رافق ميتهـم فـي منامـه
ياعل ربي من سنـاء النـار ينجيـه = يئـويـه رضــوان ٍ بــدار الكـرامـه
وأمواتهم عساه با الجنـه تخاويـه = أدعــي لـهـم والله عـنـده خـتـامـه





صح لله لسان شاعرنا ووالدنا الكبير وطال لله في عمره وحفظه لله