رائـــعة من روائــع ابن لعبون رحمة الله عليه ويــقال ايظاً انها لــ محمد بن علوش
اتمنى تنال اعجابكم
ياذا الحمام اللي سجع بلحـون
وشبـك علـى عينـي تبكيهـا
ذكرتني عصر ٍ مضى وفنـون
قبلـك دروب الغـي ناسيـهـا
لا تطري الفرقى على المحزون
ما دانـي الفرقـى وطاريهـا
أهلـي يلومونـي ولا يـدرون
والنار تحرق رجـل واطيهـا
يامن يباصرني وأنـا المفتـون
والـروح فيهـا مـا يكفيـهـا
ومن الولع والحب أنا مجنـون
هذي المحبة قولـوا وش فيهـا
يامن يعاونـي علـى الغليـون
والدلـة الصفـراء مركيـهـا
ستة بناجـر وأربعـة يزهـون
وإن أقبلـت فالنـور غاشيهـا
أبو لبة ٍ صفرا زهـت باللـون
تـوه باسبـوع العيـد كاسيهـا
عمره ثمان ٍ مع سبـع مزيـون
مشي الحمامـة مشيتـه تيهـا
أبو هيا طـرب ٍ يشيـل فنـون
مـا ثمـن الدنيـا وطاريـهـا
تحياتي للجميع
ياذا الحمام اللي سجع بلحـون 
العرض العادي
