قصيدة للشاعر حمدان عبدالله النصار التميمي .... والقصيدة تعبر عن نفسها
[poem=font="Arial,5,#00008b,bold,normal" bkcolor="" bkimage="" border="none,1," type=0 line=1 align=center use=sp num="0,"]
عيني تناظر بارقن حروة الحار = وشاهدت أنا المنشا سحابن تغشا
يا زين سجات الخلا عقب الامطار = أنا أشهد أنه تنعش الروح نعشا
وركبت جيبن ما مشى توه أصفار = يهقويك لا تزمل ولا منه تخشا
والسيل شوف العين واقف وحدّار = وباقى المطر ما زال دوبه يرشا
بارضن غدت ريضانها كله أزهار = والنقع يبقى له زمانن ينشا
ومعك رفيقن لك خيارن من اخيار = مثل الذهب ما به خداعن وغشا
وبعض الفيافي عشبها كنه اشجار = ريان عوده مثل بنتن تمشا
وشعمت أنا ويا رفيقي سنا النار = نوقد سمر ما هو قشاشن يقشا
وبريةٍ من سوق صنعاء هل الثار = وحمستها لين العرق منه بشا
ودنيت في نجرن دعا كل مرار = لسماع صوته أكثر الناس عطشا
وضبطت أنا ثنتين هيلن ومسمار= شربه علاجن للذي مستغشا
أنا أشهد إن البر عزن للاحرار = ويحي قلوبن حشها الهم حشا[/poem]
البر ... والمطر 
العرض العادي
