الشايب /
سلام الله سلامٍ من فـؤادٍ فاطـنٍ حسـاسنعم شاعر نعم ماهر وللجـزلات جلبانـي
ترا جيتك وانا فاهم واقيس العلم انا القّياسمعي خبرة ولي نبره بصوتي صرت فناني
الشاب /
هلابك يا المسّلم مرحبا ما نسنس النساسليا نسنس على جوٍ خلا من عقب الامزاني
حكيم القوم انا حبه جويدٍ بالعمد والساسهلابك ياكبير القوم وانتـه مثـل جدانـي
الشايب/
بقيت ولا دخلك اقصور دامك تعشق الدّراسبعدها وّثق احزامك وخل الخوف هربانـي
ابسئل ويش نجسٍ ياكل اللي يبذرونه ناسوياكل ما زرعته من سواته صرت خسراني
الشاب /
انا ماني بخايف من هجومك وانت ابن فرناسأحلق وانت راع العلم لكن ماانـت طيرانـي
سؤالك جبت حله واحمد الله فيني حنكة راسواعرف ان الحَسَدْ للخير يشعل فيـه نيرانـي
الشايب /
اثاري فالشباب اليوم نـاسٍ فاهمـه سيّـاسغريبه واعرف ان اغلب شباب اليوم غشماني
مدامي شفت قدمي شخص فاهم يقرع الاجراسابنطق ما حويت امن التجارب والعمـر فانـي
الشاب /
نعم نبغى تجارب صدق ماهي هرج ابونواساحب اللي صدوق اليا حكا ماهوب كذبانـي
تراني اعرف المكّار ياعّيـار بيـن النـاستقول انك مجرب مير ماحصلـت برهانـي
الشايب /
مدامك قمت تغلط فابشر اليومه بحد الفاسابضربّه على المايل قليل العلـم غلطانـي
انا ماهمني شخصٍ ضعيف القلب ياجسّاسوعقلك مايجي وزنك حشا مانيب شرهاني
الشاب /
ترا جسّاس قرمٍ عند وقت الموت له نبراسثبت ماذل نفسه مثل شيخٍ صـار جابانـي
عُبادة يوم ضرّه سالم ابطعنه غدت منكاسرثاه ابوه اخذ ثاره وسالم مـات ندمانـي
الشايب /
شعاع الشمس مايحجب بغربال ٍ ولا بلباسعكست العلم خليت الرخوم اليوم شجعاني
عرفت انك كشفت انك قليل العرف يابلاّسولك حيله ولك ميله حشا ماصرت فهماني
الشاب /
علامك محترق ياشيخ هد اشوي يامحماساخاف ايطق بك عرقٍ واصير ابذنبك الجاني
تركد ثم تأكد لا تقول اني غشيـم النـاسترا شر الامور اليا شهدت الزور بهتانـي
الشايب /
انا ماني غبيٍ يمشي الخطوة بـدون اقيـاسومن حرصي صدق خرصي ولك مانيب ظلماني
انا اعرف منهو الصاحي ومنهو منعمي بعماسواميّز صادق الرفقه وكاشـف كـل عدوانـي
الشاب /
ترا ماني قليل العرف انا اللي للبحر غطّاسولي حنكه ولي سبكه حشا مانيب جهلاني
ألا ياشيخ وقتك فات ماعاد انت بالعسّـاسوعمرك زاد وجهلك زاد مثل ابعير جرباني
الشايب /
ترا ماكل من طب البحر جاب الدرر ألمـاسحشا ماجاب هالطباب وسط البحر غرقانـي
انا جهلي على عقلي ماهو مثلك غدا مشراسعقوبه ياشبوبه للبشـر بالجَهْـل نطحانـي
الشاب /
حشا مايستوي نسرٍ خبيث العيش مع قرنـاسوعلمك ماش يا معتاش تنظر صيـد شيهانـي
وانا صيدي بحد المخلب اكل من ضروب اخماسولي رمعه ولي طمعه اجيـب اليـوم مرجانـي
الشايب /
تقوله وانت جالس فالسعه مالك سهوم اقواسكثير الهرج وانت السرج فوقك ماهو ليقانـي
وعلى ماقيل مافالقدر يظهر لا حصل مّـلاسخبر بفلوس هالليلة تـرا فالصبـح مجانـي
الشاب /
ترا المّلاس مابه باس مير القدر دونـه فـاسوراع الفاس به نوماس ويل اللي يجي عانـي
انا اللي ما احب اخسر ودوم الدوم اشيل الكاسواذا ماصرت الاول ما احـب اكـون بالثانـي
الشايب /
نبارك للمشارك نفـرح إليـا فـاز ياعبـاسخصوصا للفتى الموهوب صاغر سن طيشاني
وانا ما اشوف في فوزي عليك ايجيبلي نوماسولا احـب المشـارك فالمسابـق ياكحيلانـي
الشاب /
ترا ماهي جميله تحقر الرجّال يا لهيّـاسغرورك مايجورك ياطعين السن عجزاني
وشكلك يا كبير السن هذرابك زمان الياسوبي عبرة وبي دمعه على حالك ورئفاني
الشايب/
علامك ياشباب اليوم طايش بالزمـن محتـاسوضاع الشيخ وسط الطيش حوله جمع بزراني
رقينابك حدرنابك وضيعـت العشـا والطـاسوصارت دمعتك من شان جوعك ماهو من شاني
الشاب /
تقول او ماتقول اليوم مانته لللذهب لمّاسوانا معروف ياعجروف ماخبيت عنوانـي
ترا بعض البشر للذل بالاقدام هـو دوّاسيدوسه ماينوشه بالكرامه عاش طنخانـي
الشايب /
ترا بعض البشر مافيه خيرٍ للقشـر خنّـاسبشين الفعل لو يلبس تـراه اليـوم عريانـي
وترا بعض البشر للخير كاسب دوم هو كرّاسبطيب الفعل مستورٍ وبين النـاس كسيانـي
الشاب /
بدينا وانتهينـا بالبيـوت اللـي كمـا بسبـاسمفيدة هي فريدة من هجوسـي جيـت نقيانـي
انا ما اشره على المغبون واسفه من غدا منحاسيحط العيب في غيره بـدون اسبـاب حقدانـي
الشايب /
ترا المصباح خالي نور لا منه غدا المكباسواذا ماصار مابه نار ماش اليـوم دخانـي
نصيحة من قريحة صغتها ماهي حكي هلّاسانا اشوف الكفيف اهو الذي بالقلب عمياني
الشاب /
انشهد مالنا عنكم غناةٍ ياقـوي البـاسكبار السن تاج الراس انا في حبهم عاني
لهم حقٍ عليكم ياشباب اليوم يا فـرّاسلهم حقٍ علينا ويل من هو صار نكراني
محادثه بين شايب ,, وشاب 
العرض العادي
