يارشا من كثر شوقي لك نقيـت
بيت شوقٍ والمغنـي امقروشـا
مانسيتـك ياحبيبـي مانسيـت
لـك مكانـه ياحبيبـي فالحشـا
لا حشا ماقد نسيـت ولا جفيـت
كيف ابجفا عقب ماحبـك نشـا
في غرامك ماحصل يومٍ سليـت
اشهد اني في غرامـك مُبْلَشـا
في فؤادي جيت ثم وسطه بقيت
بالوفا والحب هو لـك مُفْرَشـا
لو يمّر اليوم وجهـك مارئيـت
ضاق صدري صار عقلي مُشْوَشا
ياحبيبي كـان عنـي مادريـت
عقبكـم يمـر يومـي مُطْفَشـا
وان قربتوا عقب غفوة اصطحيت
يعني ابقربك اصيـر امزركشـا
ازرع اشواقي وماعمري جنيـت
الوصل وسط الفـراق امحوّشـا
ومن لهيب البعد بالنار اكتويـت
في سجون الشوق عشت امكلبشا
وغير حبك يعلـم الله مابغيـت
وفي غرام الغير قلبـي مامشـا
واعرف اني في هيامك ابتليـت
والحنين ابوسط قلبـي يَنْهَشـا
والمصيبه في وصالك ما ارتميت
ماهنيت ابوصـل حبـي لاحشـا
ولا شربت امن الغرام ولا رويت
رغم قلبي بـه خضـارٍ مُنْعِشـا
لو فؤادي طاعني كان اختفيـت
كان ماطـاح ابجمالـك وانغشـا
كان عرش القلب فوقه ماستويت
وكان ما عشت الحياه امدّوشـا
وكان وصلك مايهـم ولاعنيـت
وكان صرت اليوم عندي مُهْمَشا
وكان ماموت ابهواك ولاشقيـت
وكان ماقلبي بسهمـك مُخْمَشـا
وكان ماسامرت ليلي واغتفيـت
واستلذ الجفـن بالنـوم وغشـا
وكان دارك صوبها لا ما مشيـت
ولا غديت ابفقد حبـي مُدْهَشـا
ابتديت امن الصفر واله انتهيت
يعني في حبك خسـرت امْفَنّشـا
رغم هذا في غرامـك ماسليـت
ماهو بِيْدِي قلبي انـت امكّوشـا
يا رشا قلبي رهينه لـك هديـت
دوك قلبي وافعل ابه اللي تشـا
ولو حصل يومٍ وغيري اهتويـت
لاتعيـد القلـب فـدوه يارشـا
واعلم اني اعشقك لك ماشنيـت
لك مكانه في فـؤادي والحشـا
ودام فيني قلب ينبض مانسيـت
مانسيتـك دام عينـي تْرْمشـا
لاتبتعد القلب فدوه يارشا ّّّّّّّّّّّّّّّّّّ 
العرض العادي
