لا تنوي المرواح ولا تطري الصـدْ
مرتاح انا في قربكم وانت مرتـاح
شوفي عيونك دمعها جـرح الخـدْ
كفي ادموعك وبدلي الحزن بافراح
روفي ابقلبي واعطفي قبـل ينهـدْ
حالـي وينقلـب فرحـي اتــراح
لو دارة الايام باقـي علـى العهـد
لو قطّعو قلبـي بسهـوم ورمـاح
ياغاية المفتون يـا اعظـم الوجـدْ
حسي بقلب(ن) فاض مكنونه وبـاح
عفت الفيافي كلهـا وجيتكـم نجـدْ
دار بهـا يـزول همـي وينـزاح
دامه سكنها صويحبي بيزهر الوردْ
ريح الخزامى والنفل بارضها فـاح
احد نفسـي يالغـلا صوبهـا حـدْ
مالي لغير اديارك اليـوم مـرواح
مافي الهوى ياصاحبي هزل (ن)وجدْ
قلوب العذارى دونها قفل ومفتـاح
من شاف نظرة عينها بيّـح السـدْ
يا لا يمي في حبها يكفـي اجـراح
راح العمر مابيننا جـزر(ن) ومـدْ
والله احبك ما بها ضحـك ومـزاح
ما شدني غيـرك ولا نيـب منشـدْ
انت الوحيد اللي لهالقلـب مجتـاح
م ن
(عفت الفيافي كلها وجيتكم نجدْ) 
العرض العادي
