زمــــان أول
للشاعر فيصــل اليامي


زمـــــان أول ... أحس انه ..

زمــــــــان فيه صدق شعور ..

نحب ونخلص النيه .. وتجمعنا محبتنا ..

زمـــــــــان مافيه لا غيبه .. ولا حتى نفاق وزور ..

ياليته بس لو يرجع .. ونسترجع طفولتنا ..

صغـــــــــار قلوبنا بيضاء ..

ونعيش في عالم محصور ..

ولا نعرف أبد أغراب ..

ماغير عيال حارتنا..

صحيح صغــــــــار فالتفكير ..

لكن ماعلينا قصور ..

نخطط نكسر اللعبة و تسعدنا شقاوتنا ..

نروح المدرسه بدري..

ونضحك داخل الطابور ..

و نحاول نزعج العالم .. في روحتنا وجيتنا ..

وعشان نأخر الحصة .. نخبّي علبة الطبشور ..

نشــــــــــــــــــاغب ..

بس فالآخر ..

تميزنا براءتنا..

نحب الضحك و الهيصة ..

نحب ننط فوق السور ..

نفرفـــــــــــــــــــــــــــش ..

ليه ما نفرفش ..

مدام الضحك عـــــــــــادتنا..

ولـــــــــــكن دارت الايـــــــــــــام ..

وبــــــــــان الخافي المستور ..

و صــــــــــار الهم متعلّي ... على قمــــــــــة سعادتنا ..

كبرنـــــــــا.. وصارت الدنيــا ..

تصف احزاننا بالدور..

وتهدينا الالم و الهم..

غصب عن عين رغبتنا..

تعبنا من بلاوينــــــــــا..

احد ضايق .. احد مقهور ..

وكلن غارق بهمــــــــــه..

وبـــــــــــــالآخر ..

تشــــتتنـــا

وانا ما اقول غير إلا ..

يـــــــــــــاليت إن الزمان يدور ..

ويرجع للوراء فترة ..

نعدل وضع عيشتنـا..