[poem=font="Arial,5,,normal,normal" bkcolor="" bkimage="" border="none,1," type=0 line=0 align=center use=ex num="0,"]
ياذيب كن اعواك ما ودي اوحيـك=واليا سمعت اعواك قلبـي يلجـي
وياذيب ما ني غاوي اللي يعويـك=كما واحد من حستـه مستمجـي
عساك مانته فاقد اهلـك وغاليـك=مدري قنيب اليـاس والا ترجـي
اصبر كما صبري على كل ما يجيك=والله ينـادي بالسعـد والفرجـي
انكان ندك جـوع تعـال اعشيـك=وابيك تسكن عندنـا مـا تهجـي
اقـدم المـاجـود والله يحيـيـك=ورزقي على اللي ماش دونه ملجي
واليا بغيت تروح قلـي واخاويـك=ودي بدرب الذيب مع كـل فجـي
ابايعـك واعـادي اللـي يعاديـك=ومن وين ما سجيت حالف لأسجي
شوقتني ياذيب ما ازيـن معاديـك=اليا اختلط بالليـل بـرد وعجـي
ولا تصبح الا في علاوي محاجيـك=واللي يبي يقتلـك ياذيـب دجـي
ياذيب لا توذي عليـه ولا اوذيـك=في راس مرقاب الخـلا نندمجـي
وان جاك ضده من عدوك ما اخليك=وعيب على اللي خوته ما تنجـي
ياذيب عاهدني واعاهدك ما ارميك=وان بقت بايق في صيامي وحجي[/poem]
تحيـــــــــــــــــــــــــــــــــــــــاتي ...للجميــــــــــــــــــــــــــــــع.
يــــــــــــــــــــــــا ذيــــــــــــــــــــــــــــــــــــــــب 
العرض العادي
