[poem=font="Arial,5,,bold,normal" bkcolor="" bkimage="" border="none,1," type=0 line=0 align=center use=ex num="0,"]
سار القلم ياعقاب بالحبـر سـارا=وبزيزف القرطاس يامهجتي سار
سار القلم بالنويهـدات الصغـارا=ياعين وكري وحش حين ما طـار
أكتب جوابٍ مثل قطـف الثمـارا=من قيل ابن عدوان نظم له اسطار
من ضامـري كنـه وقيـدت نـارا=يانيرة النمرود تشبـه لهـا نـار
لكن ينهش بي غليـث السعـارا=والحال مني تقـل يبـراه نجـار
أكتب وليفـي ولـع القلـب نـارا=خلان بالدنيـا وحيـد أو محتـار
ياعقاب من فقده إعيوني سهـارا=لكـن فيهـا ذر شـب وزنجـار
أعولَ عويل الذيب ليـل ونهـارا=وأحن حن الجيد ثاو علـى الـدار
علـى حبيـبٍ بالترايـب تـوارا=خـلان مشتـاق وحيـد ومحتـار
والله لاهو كـذب ولاهـو قمـارا=أيضـا ولا أنـا بالتماثيـل بـذار
واخلاف مابيـن البسيطـه أوارا=ومن طاف في طيبه وللبيت زوار
أنا إن نظرتـه رامـي للجمـارا=كن القمر في موق عيني إلا انذار
يا عقاب لو تجمع جميـع العـذارا=من اليمن لديـار نجـد لسنجـار
من بصرة الفيحـا إلـى قندهـارا=من غير وضحى مالك الله نختـار
أجل جل الزيـن حسـن المسـارا=راعي ثليل فـوق الارداف نثـار
العنق عنق اللـي تقـود العفـارا=قايد اخشوف الريم في دو الاقفار
ياغصن موزٍ تحته المـاى جـارا=في وسط بستان دنت من الأثمـار
ياعقاب مـاوالله مديـر النهـارا=مجري سفينة نوح في غب الابحار
لوجن بنات البـدو صـفٍ تبـارا=على الحنايـا دللـن كـل خـوار
ولو جن بنات الحظر مثل المهارا=سطر الذهب بارقابهن تقل نـوار
ولو جن بنات صليب فوق الشهارا=يامـا حـلا يشفيـن دق الأوبـار
ولو جن بنات الترك هن والنصارا=والهند واللي سكن كـل الأمصـار
جني ضحى العيد وسـط النهـارا=وقالوا لنا يانمر قم طب واختـار
ما اخذ سوى مضنون عيني إخيارا=الصاحب اللي فر عقلي معه طـار
فيهـا اخصـال وافيـات اكثـارا=ومثايـلٍ فيهـا التفاكيـر تحتـار
قلـت آه وا ويـلاه مـر المـرارا=من مي زقوم جرعته لـه امـرار
من فقد مسلوب الحشا شين سـارا=غروٍ كما بدر لهـا النـور نشـار
ياليتنـي ويـاه نثنـي المشـار=افوق السبايا وأشهب الملح زجـار
لاكن ملك المـوت جالـه اعتـارا=فرق وشتت واودع القلب محتـار
ريحة جسدها مثل ريـح البهـارا=وبين اشفتيها تقل حـص محـار
لولا ضلوعي فـر قلبـي وطـارا=لاكن ينشر ثومـة القلـب نشـار
من لامني به هو ثور او هو حمارا=والثور اخير من لو ديـر ينـدار
صلاة ربي عـد وحـش القفـارا=والا عدد نبـت يـروى بالاقفـار
على النبي المبعوث سر وجهـارا=سيد البشر اللي قهر كـل جبـار[/poem]
الشاعر: نــــــــــمر بن عــــــــدوان.
وتحياتــــــــــــــــــــــي لـــــــــــــكم...