[frame="3 50"]هذي قصيده للرائع والمبدع دائما محمد بن حمد بن فطيس المري (شاعر الملايين)----
وأنا متأكد إنها بتنال إعجابكم لأن هذا الرائع لايقول إلا الروائع والقصايد التي تحرك مشاعرنا--
أدعكم مع القصيده التي تحمل عنوان ((( البارحه )))
البارحه ربـي كتـب لـي ومريـت
دربن عليه بـروق الأحبـاب لاحـت
جيت المكان اللـي جمعنـا وخفيـت
وقامت جروحي للجـوارح وصاحـت
ياليتنـي فـي لفـة الـدرب زليـت
كان العيون مـن الدمـوع استراحـت
إلتم غيـم الدمـع مـن يـوم لفيـت
أو ورق القصيد لشوفة الغيـم ناحـت
وضحكت مابغى الناس تدري يابا الفيت
لكنها غصبـن علـى العيـن ساحـت
حارت دموعي في عيونـي وصديـت
وأرمشت أبيهـا مـا تبيـن وطاحـت
وعقبه برق فالعيـن بـراق وأسقيـت
خـدي ووناتـي بصـدري تـلاحـت
وأنا أحسب إني فـي فراقـه تعافيـت
وإن عبرتي من مدخل الـزاد زاحـت
اللي يحسب إني على البعـد سجيـت
ولا إن عيونـي للرقـاد إستبـاحـت
ياليتنـي مـن قبـل لاأحبـه أقفيـت
ولا إن دروبي عـن دروبـه تناحـت
أهون علـي مـن البكـا والتناهيـت
وأشلا من شدودن على الناس باحـت
عرفت كيف الحي يفرق عـن الميـت
وعرفت قيمت نعمتـي يـوم راحـت
قولوا له إنـي عقـب بعـده تدانيـت
ورجلي عن دروب المعافيـن شاحـت
البعد نـار وطاعـة العـذل كبريـت
يقصر على بعده تـرا الكبـد فاحـت
وسلاااامتكم[/frame]
قصيده تستحق القراءة من مبدع 
العرض العادي
