كل ما طار الفراش، أعرف إن أُمي طفت، يمّـه ويني، نامت سنيني عليّ، تلتحف من برد عمري، ما معاي إلا عيونك، تقطر الدمعه في بالي، تطفي البرد ويجيني، زولك بداخل عيوني، أحضن عيوني، وأنام..
تهزهزي البرواز أدري ؟! صح يمّـه
مثلي ما كنت أتهزهز بأغنياتك، يمّـه نامي ممشط الصوره عيونك ،تشعلي دمّك تدفي الغرفه من بحات صوتي، مجدله شيبك تقولي ، آه يا نذر نذرته
تفتحين كروت عرس ، وترسمين بشوت عرسي، ألبس الأسود في بالك ، ألبس البني في بالك , ألبس الأبيض ترفضين.. الكفن يطري في بالك صح يمّـه، يمّـه أدري ، أدري همك هو وجودي هو زواجي تشوفي عيالي وتموتي
تغربيني لا لمحتي شروق ربعي , تلملميني من زوايا البيت حتى تتجه للقلبه روحك ، تلتقي ويّـاها روحي بكل صلاه ، وأعرف انك بآخر أيام الضوا وغافي(ن) فيك الفراش ،كل ما طار الفراش، أعرف إن أمي طفت..
ضايقه من التنك يمــــــه
إيـــــــــــــه أنا أدري ضايقه من التنك يمّـه
كحتك جنها بصدري ، آه لو إني عنك شلتها في ضلوعي وجيت أسير، صدق تعالي موعدك عند الطبيب ، أذكر إني مسجله في شهر 9 ، رحتي يمّـه ولا طاف ، لا يطوف،أدري ما عندك يا يمّـه غيري أحد ياخذ الكرت ويجدد كل مواعيد الطبيب، يمّـه نامي ، نامي يمّـه ، الأسر هو نام فيني، والله ما يقوى يزعزع شخص راضع من حليبك، أو يهز يا يمّـه شعره , شعره من ونّـات شيبك ، قولي أقدار وخذتنا ، ورحنا أسرى ، ويعني أسرى ، ما هو لازم مثلي هذا اليوم نعرف ، من عدوك ،من صديقك ، يعني جوع ؟! ما أجوع ، وأنتي أصلا تذكرين عزة النفس ويميني ما وصلت أكل(ن) ولو هي نفسي تدفعني عليه ، يعني حريه يا يمّـه ؟! أجمل الحريات والله، إن أقيد كل عمري ولا يتضايق صدر شارع من رئة خطوات فاجر ، تاطى مسلم ، ما نطق إلا الشهاده بإصبعه ووقف فجر ، لا غسلك الدمع يمّـه قولي فدوى ، فدوى لعيون الشواطي ، لا غسلها المد قامت توقظ الناس بفرحها ، بعدي ما كانت حزينه..
أدري همك هو وجودي هو زواجي تشوفي عيالي وتموتي..
مثلي همي ، إني اشوفك قبل لا يطير الفراش ، خلي همي ، إني طالب يد بلادي ومهرها أبقى أسير ، حتى لو طار الفراش ، حتى لو طار الفراش ، حتى لو طار الفراش ..
أنت وينك ؟! من زمــان كنت أدور في وجيه الناس عنك ، وجه وجه، وجـه وجــه
ولا لقيتك ، في زوايا البيت أدور ،في الشوارع ، في الصباح اللي تشرب غترتك، في المكان اللي فرشته بالجريده لما تقراها وتشرب كل صباحي قهوتك ، وآخذ الفنجال حتى ، تقرا حظك لي عجوز ، ترفع البسمه تقول فيها لك شي بيتحقق ، وفيها له شي ثمين ،ليــه ما قلتي فيها لي شي بيتهدم ، وفيها له شي حزين ، أثري كنتي تكفرين ..
أنت وينك ؟! تسأل الأشجار عنك ، لما ترمي فوق ظلها ، كل ظلك ،لما تسقيها بدمك، هي تبلك ، تنحني لك ، تدري انك لو تغيب؟! ينكسر طير وتموت ، أسأل الأيام عني؟! ، ولا تدري ، أسأل نعاس تكسر من صباحك في وريدي ، أسأل شفاه هجره من بعادك ماي بارد ، ليـــــه ، ليــــــه تتركني أتوسل و أتسول في عيون الناس أنا أطلب منهم حفنة حنان
، ليــــــه تتركني أتوسل و أتسول في عيون الناس أنا أطلب منهم حفنة حنان
أنت وينك ؟! ما تركتني إلا بعباتي ، عطر جسمك من صلاتك، وشعرتين ، بكف مشطك صافحني وسط بالي وأتذكر : يالله يمّـه اخطبي لي وإلا يعني ماني رجال بعيونك شفتي شعرك إلا أفله في زواجي
أنت ويـــــــنك ، هذي دارك ما تغير شي فيها، هذا بوكك هذا عطرك ،هذا مشطك، إلا ساعه يوم طاحت من ايديني تكسرت لا تخاااااااااااااااااااااااااااااااااااااااااااااااا ااااااااااااااف جبت ساعه تشبه اللي تكسرت..
أنــــــــــــــت وينك؟؟!
ما تركت إلا عيونك داخل البرواز تتبع وجهتي من وين أروح،
ما تركت إلا عيونك داخل البرواز تسأل
يمّــــــــــــــه وينك ؟؟! .............. أنت ويـنــــــــــــــــــــــك
يـــــــــــمـــه 
){kind=small}
){kind=small}
){kind=small}
){kind=small}
العرض العادي
