السلام عليكم ورحمة الله وبركاته

حبيت تكون أولى مشاركاتي في الشعر المنقول.. قصيدة في قبيلة عريقة من قبايل الجزيرة العربية..وهي قبيلة (العجمان)..


وهي للشاعر: ماضي العجمي
سأنقلها لكم وأتمنى أن تحوز على رضاكم.




[poem=font="Arial,5,#800080,bold,normal" bkcolor="" bkimage="backgrounds/19.gif" border="none,1," type=0 line=0 align=center use=ex num="0,"]


سـلام ياعجمـان ياسلطنـة يــام=ياعـز يانومـاس يااعظـم قبيـلـه
يامارثـة مذكـر وياترثـة هـشـام=ياأهل السيوف المرهفـات الصقيلـه
يانوم عيني شوفكـم طـول الايـام=الذكـر طيـب والمواقـف جميلـه
أمجادكم ماهـي سواليـف وأحـلام=يحكيكـم التاريـخ ماينحكـي لــه
من الصلب قبله للحساء لين الاوجام=لكاظمـه ودروبـكـم مستحيـلـه
مضاربن تشهد لها مـاض الاعـوام=عدوكـم مـاداج فيـهـا بخيـلـه
البل غدا للرمح في نحورها اعـدام=وكم راس شيخ تحت حافر الاصيله
شرسين عسرين وكريميـن وحشـام=ويامكثـر كبـودن عليكـم غليـلـه
كبيركـم تركـع لهيبتـه الاصنـام=كنـه طويـق ولـه مهابـه جليلـه
وأوسطكم لربعه كمـا درع وحـزام=من طيب ذكره يجذبك ريـح هيلـه
وصغيركم في المرجله شق له خـام=قلاعتـه طرفـه وقلـبـه دليـلـه
عجمان والعجمان سبعن وضرغـام=وفهود وعـوال الظفـر والكحيلـه
وباقي القبايل بالفخر تحمـل وسـام=وأصل الحصان حصان يسمع صهيله
واليوم صرنا بأمن وأرزاق وأنعـام=وكلن يبي بيـت ويبـي لـه حليلـه
ويبغي وظيفه ويحسب للشهـر تـام=ويشوف له موتر جديـدن موديلـه
الدار محكومه على شرع الاسـلام=والـرب واحـد كلنـا ننحنـي لـه
وكل القبايل صـارت بحكـم حكـام=وحنـا مـع الحكـام يمنـا طويلـه
محـبـه وعـهـد لشيـبـانـا دام=نعـم ولا زلنـا بأمـانـه نشيـلـه
وفي زحمة العلم ومتاهات الاقـلام=والمخ يغسـل بيـن يومـن وليلـه
شفنا ماشفتوا مثل تصويـر الافـلام=وأثره حقيقـه مـن عـدو وعميلـه
شنوا علينا حربهـم بعـض الازلام=وأهل الكفر شبـوا بـراس الفتيلـه
وأهل الفتن صالو وجالوا فالاعـلام=صرنا نواجه صـدق حملـه ثقيلـه
شبابنـا غـرر بـه وقيـد بخطـام=وحطوه عملـه يـوم نفسـه ذليلـه
وايلا انحرف لو له أخوال وأعمـام=امـا قطـع راسـه نقطـع رجيلـه
ياشرذمـه عدونـا عقبـكـم قــام=ولاكسبتـوا غيـر عـار وفشيـلـه
كـان الوعـد قـدام بنـروح قـدام=ونبيع الانفس في حيـاض الفضيلـه
حنا خلقنا الله علـى روس الاعـلام=بالصـف الاول مارضينـا بديـلـه
ومن دون حكام البلد خنجـرن سـام=في صدر من يمشي دروب الرذيلـه
ودون البلد فولاذ مضـروب بلحـام=اليـد وحـده والـدوافـع نبيـلـه



[/poem]

صح لسانك ويعطيك العافيه على القصيده الجميله

والنعم بالعجمان قبيله عريقه تستاهل قصـــــــــــــــــايد .........

صح لسانتس وصح لسان شاعرها

تحياتي لك

لهيب..

الأجمل هو تشريفك لمتصفحي..

لاهنت طال عمرك..

تحيتي وأحترامي..

أبو صفوق..

ماعليك زود طال عمرك..

والنعم بك وبالقبايل كلها..

ألف شكر الشيخ...مرورك تشريف لي ولمتصفحي..

تحيتي وتقديري..

مشكوره عالنقل قصيده رائعه

أحب أصلي..

شاكرة ومقدرة مرورك الطيب..

لاهنت طال عمرك..

صح لسانك ويعطيك العافيه على القصيده الجميله

عندما تحاول ان تكون شاعرا وسط كوبة العديد من الشعراء اللامعين ولاتستطيع ان تقصد مثل هذه القصيدة فشعرك حتما سيظل ناقصا
تحياتي للجفول على هذه الهدية الرائعة

الجفول

يعطكي الف عافيه اختي

على نقل هذا الكامات
الرائعه في قبيلة عريقه
ومشهورة في الكرم والشهامه

وصح لسان شاعرها

سجلي حضوري في متصفحك

تحياتي لك