رأســك عـلامـك رافـعـه يــوم أحـاكـيـك
الظـاهـر إنــي فــوق حجـمـك عطـيـتـك

لحـظـه نـبـي نـرجـع دقـيـقـه لمـاضـيـك
بـذكــرك فــــي أي حــالــه لـقـيـتـك

كـــان الـضـيـاع ودمعـتـيـن تـخـاويــك
منـهـار وفــي عــز انـهـيـارك خـذيـتـك

وأرخصـت عمـري لـجـل أحـبـك وأداريــك
هـدمـت قـصـر الـــذل فـيــك وبنـيـتـك

كــان الـغــلا شـمـعـه تـنــور لياليك
لوأظـلـمـت دنـيــاك جـيــت حتـويـتـك

يالـلأسـف كـنـت أمـدحـك وأفتـخـر فـيـك
رفـعـت مــن شـانـك وعـلـيـت صـيـتـك

كنـت أنـت عـنـدي غـيـر مـاأقـدر أخليك
أمــوت وأحـيـا ان قـلـت ســم وفديتك

والـيـوم أشـوفـك خـنـت حـتـى مباديك
صغـرت فـي عيـنـي وأنــا الـلـي هويـتـك

الضـيـف لـــو انـــه عـــدو مـعـاديـك
غـصـب علـيـك تـقـدره وســـط بـيـتـك

ياصـاحـبـي بـتـمـوت مـانــي بـراجـيـك
واشــره عـلـي ان كــان حـتـى طـريـتـك

لاصــار ذل النـفـس فــي قـلـب يغـلـيـك
يلـعـنـك يـاقـلـب عـشـقـك وشـريـتــك

اضـحــك حبـيـبـي دام وقـتــك مسـلـيـك
بـاكـر تـمـوت مـــن الـقـهـر لانسـيـتـك


,,,,,,,,,,,,,,,,,,,,,,,,,,,,,,,,,,,,,,



ابيــــــــــات اعجبتي فنقــــــلتهــا لكم

ابو صالح سرى ليلك مشكور على نقل هذه الأبيات الممتعة

مشكور قصيده رائعه
يعطيك العافيه عالنقل

ابو صالح مشكور على نقل هذه الأبيات الممتعة