قصيده اعجبتني واحببت ان انقلها لكم وهي الشاعر / فــالــح بن قشعم الهاجري
واليكم القصيده .....
لاعاد .. تنشد من أعلومـي يامسعـود
مابه جديـد وجعـل نفسـي إمجـاره
طال الطويل وكـل شـيٍ لـه حـدود
واللـي نـبـي يابـعـد داري وداره
لامال فيّ أعصيـر وأنقـادت النـود
وقبل المغيـب إيفـل باقـي أستـاره
سجيت رجلي شرق شارع( اجوررود )
للفيضـه اللـيّ فـي طرفهـا زبـاره
ماعسّها اللـي مشغلـه مرتـع الـذود
ولا أقنصوهـا مهتويـن الصـقـاره
لي في طوارفها معا الهاجس أوعـود
أمّـا يمـيـن الـخـد والاّ يـسـاره
يازينهـا معنّـهـا دبـلـة أكـبـود
لوّ كـان مرتعهـا يشعشـع خضـاره
مادامها فيضة جنوبـي ( أكسفـورد )
أكتـب عليهـا بانجليـزي خـسـاره
يعني ترى ماهي بعيني ( فيري قود )
الاّ فري صـدري ولـوّ كنـت كـاره
وياوجد حالي لا أقبـل الليـل بركـود
وأخـر نـهـاره ودّع أول نـهـاره
فـي حـزةٍ شيطانهـا مالـه أقـيـود
يبخـص حراويهـا سقيـم الـمـراره
يلاأرحـم الله أبـو طواريّـه السـود
ماخلّـت المشفـي يــرّد أعتـبـاره
لولا العزوم اللي علـى زودهـا أزود
يمـدي تعشتنـي ذيــاب المـغـاره
وين أنت يامطلق ذرى كـلّ مضهـود
طلق الحجـاج اللـيّ يشـرّف وقـاره
أحـبّ مطلـق كثـر حبـيّ لحمـوّد
وأقـدره قـدر المـهـادي لـجـاره
جتني مراسيله علـى الهاتـف أوفـود
وأرسالتـه ماهـي بمـزح وعـيـاره
ياليتهـا جـزءً مـن النـص مفقـود
أو لـم يتـمّ أرسـال زر الأشــاره
سجيـت معهـا سجـةٍ مابهـا فـود
وأونست في صدري لهيـب الحـراره
وأقول يامطلـق لـوّ الفايـت أيعـود
سقنا علـى شـف النفـوس البشـاره
لكنّـه أمـرٍ صـار ماعنـه مـردود
والليّ حصل مقسـوم والعلـم شـاره
والحمد للـيّ خصنـا الحلـم والجـود
والديـن والعقـل السديـد بـقـراره
من الله خلقنا وأسهم الطيـب فـي زود
الصيـت عالـي والمقـرّ الـصـداره
مانقبـل الهيّـن ولا للعـرب قــود
وفينا على الشـدّات عـزم وسطـاره
من جود ربي ننفـق الجـود ونجـود
ويفرح بنا مـن كـان حنّـا جـواره
مانطرد المقفـي ومـن راح بصـدود
جعلـه مـراح اللـيّ مـودّع أديـاره
فضلٍ من الله ثم فضـلٍ مـن العـود
عودٍ عسى الجنّـه مقـرّد وجـاره !
خير العباد وخاتـم الرسـل محمـود
والأنبـيـاء والتابعـيـن لـمـسـاره
وحنّا على الجرّه لنـا شـف مقصـود
ودون المراجل يشعـم الرجـل نـاره
عشـقٍ لنـا متوارثينـه مـن جـدود
ونعدّهـا خزنـة رصيـد التـجـاره
تنفـق يمانينـا لـوّ الدخـل محـدود
ونتعب علـى العليـا بعـزم وجـداره
قولٍ على فعـلٍ وتشهـد لـه أشهـود
ماهـو بقـولٍ مـايـذريّ أجــداره
والطيب عـدّ وكـلّ عـدٍ لـه أورود
وتلقى لأهله أورود فـي كـلّ حـاره
طرّاه مطلق وأصدق الشعـر منشـود
ولأرسـال جوّالـه بعيـد العـبـاره
ياليتهـا جـزءٍ مـن النـص مفقـود
أو لـم يتـم أرسـال زرّ الأشــاره
(الصــــــــــــداره) 
العرض العادي
