قصيده قمه في الروعه والجمال وبصراحه جوهره من جواهر الشاعر الرائع والمبدع ( حمدان المري )واهديه اليكم والى الغالي على قلبي ........
استأذنك بسافر ايام واجيك
وان طالت ايام السفر لاتحاتي
حتىو لو طالت ماني مخليك
ياللي بدونك ويش تسوى حياتي
تامر على حاجة ؟ باودعك واليك
عسى عوض الايام في المقبلاتِ
حتى يدي ماودها تفارق يديك
ساكت وانا اشوف البلا في سكاتي
ماشفتني لا رحت منك التفت فيك
بلاى والله روحتي والتفاتي
لكن قبل ماروح ودي اوصيك
وانت الوحيد الي يقدر وصاتي
لاحد سألك وقال وين مغليك
قل له لوازم لقضاها بياتي
وان طرو االنسيان ماني بناسيك
يارأس مالي بالحياة وغناتي
وان طروا السلوان ماني بساليك
طيفك معي حتى وان في صلاتي
قلبي وهو قلبي اذا مر طاريك
لولا ضلوعي ان عزوا مماتي
لوجض صدري كان يمديه باتيك
ويبات عندك ويهنا بالمباتي
انا وقلبي والغلا ساكن فيك
وانته وقلبك والغلا وسط ذاتي
غلاك مثل الحكم عند المماليك
اكبر طموحي ... لا ل امنياتي
شف في غيابي اي حاجة تسليك
لاني بعدك اسلى مع ذكرياتي
احاول اذكر اي شي يطريك
واقول هو سوى وانا ذي سواتي
كنى موادع كل شي حواليك
وكني حسبت حــسًاب حزة وفاتي
احب لأني مااقدر انساكـ وأبيكــ
ولا اقدر اخليك ياللي تحاتي
معنى احب .. ومااقدر انسى ,, واخليك
يعني بدونك وش تســوى حياتي
(( وش تسوى حياتي )) 
العرض العادي
