قصيدة جميله وودت ان اسردها لكم وهي للشاعر والاعلامي المعروف حمد السعيد ..
واليكم القصيده
ياسمي اللي فلا عـاد لـه بينـه
انقطع من هل بلد قبل لا اشوفـه
غير في شبك ويقولـون شارينـه
وشوفته بالشبك ماهـي بمالوفـه
ماحلاته ينسجـن ذاك يـا زينـه
في فياض مرها الوسم بصدونـه
مرتعه بيـن الـورود ورياحينـه
لارفع راسه فلا ينكسـر شوفـه
لاجفل كن الجمر تلمـس ايدينـه
يا حلو زوله وهو ينهض يكفوفـه
مايمره عـود يسحـب وراعينـه
كل همه ضحـك دانـه ولطوفـه
لا نشدها يـا يبـه وش تسمينـه
قالـت الابلـه تسميـه خروفـه
الجماعـه بالتصاويـر مذيـنـه
قدم وجهه شبك والا التفت طوفه
اطلقو سجن الظبي يا سجاجينـه
فرجوله واكسبـو فيـه معروفـه
حبي له حب من صادنـي بعينـه
في مكان جسرته خالطت خوفـه
البني الي علـى يسـار ويمينـه
ضايعين لاحضر مالهـم شوفـه
بيض الله وجـه نـاس مسمينـه
من سميه ماخذ جكلـة وصوفـه
صاغي فيه الحـلا بـاول سنينـه
لا بته يـوم الملاقـات معروفـه
هو ملاذ اللي شكي من معادينـه
زبنوه وعلمه يموت فـي جوفـه
عيبهم الزيـن مـا هـو معطينـه
قاظبين سلـم الاجـداد وظروفـه
واحد كـن الغـلا بينـي وبينـه
مثل الي بيـن الشعـر وحروفـه
من غلاي ان جيت رحبه يازينـه
حاتمي رحـب بجيـت اضيوفـه
ومن غـلاه بجيتـه ماخـذ دينـه
كن نفسـي بالتراحيـب مكلوفـه
لاجل اشوفه واكسر الوقت واهينه
وهو لشوفي ما شكي كثرة ظروفه
يا بعد من ثقل دمه غلـب شينـه
ويا بعد من غيبته ماهي حسوفـه
عاشقه لو كان ما عاد لـه بينـه
عاذره والناس كلن وراء ظروفـه
ياســمي الظــبي,,, 
العرض العادي
